Deputetja nga radhët e Aleancës për Ardhmërinë e Kosovës, Albana Bytyqi tha se kjo parti ka kërkuar debat parlamentar në lidhje me dy vjetorin e fitores së Lëvizjes Vetëvendosje në zgjedhjet parlamentare.
“Kemi kërkuar debat parlamentar në lidhje me dy vjetorin e qeverisjes së Lëvizjes Vetëvendosje. Arsyeja që kemi kërkuar debat është jeta e qytetarëve të Kosovës, është duke u bërë më e vështirë për ta jetuar”, tha ajo në Tëvë1.
Sipas deputetes së AAK-së, jeta e qytetarëve është më e vështirë tani sesa që ka qenë dy vjet më parë.
“Thjesht, është më e vështirë tani, sesa para dy viteve sa është duke e qeverisë Lëvizja Vetëvendosje, ashtu si në shëndetësi, si në arsim, në ekonomi dhe në politikë të jashtme. Gjithashtu po e shohim që është e trishtueshme dhe e shumë e dhimbshme shumë të rinj dhe të reja duke pritur para ambasadave për të ikur nga vendi. Po e shohim se Kosova është edhe më e varfër sot”, tha Bytyqi.
Ndërsa, sa i përket çështjes së punësimit brenda këtyre dy viteve, Bytyqi thotë se nuk është punuar shumë, derisa shton se sa i përket platformës “Super Puna”, që janë bërë mijëra aplikime, ajo thotë se janë aplikime sa për sy e faqe.
“Ato janë aplikime sa për sy e faqe, sepse nuk ka asgjë konkrete. Ne kemi kërkuar se si po funksionin, mirëpo ajo ka qenë sa me i shty të rinjtë kishe po aplikojmë dhe nuk është asgjë. Nuk ka nisë asgjë praktike, dhe për këtë arsye kjo është një zhgënjim për të rinjtë”, shtoi ajo.
© SYRI.net
Ekskluzive/ Zv.presidenti Rai3, që tronditi dy anët e Adriatikut, përgënjeshtron Top Channel: Po riciklojnë një ‘fake news’, jam gazetari më vlerësuar në historinë e...
Jo veç në Gjakovë, monumenti i Skënderbeut u vendos edhe në dy qytete të tjera evropiane
Konjufca: BE po pret me padurim të punojë me qeverinë serbe, e nuk janë të gatshëm t’i heqin masat Kosovës
Denonco
Merrni lajmet më të fundit nga SYRI.net në çdo moment dhe kudo që të jeni!
