Ish-kryeministri i Kosovës, Avdullah Hoti, ka thënë se është e papranueshme mungesa e transparencës së qeverisë në lidhje me dialogun, sipas tij, ajo është e obliguar të raportojë në kuvend për çdo zhvillim.
“Është e papranueshme mungesa e transparencës lidhur me dialogun. Qeveria, si bartëse e procesit, e ka obligim kushtetues të raportojë në Kuvend për zhvillimet e deritashme”, ka shkruar Hoti në Facebook.
Sipas Hotit, janë arritur disa marrëveshje teknike, si për energjinë, për targat e për dokumentet e udhëtimit, por askush nuk ka parë dokument të nënshkruar.
“Është pranuar nga Qeveria propozimi franko-gjerman dhe janë dërguar komente. Por nuk është informuar Kuvendi dhe publiku se: (1) cila është përmbajtja e plotë e atij propozimi, (2) çfarë komentesh ka dërguar Qeveria, (3) cili ka qenë reagimi i ndërmjetësve lidhur me komentet e dërguara dhe (4) sa janë reflektuar ato në draftin që është pranuar së fundmi nga Qeveria”, ka shtuar Hoti.
Hoti tha se përveç Kuvendit, është e domosdoshme të informohet edhe publiku përmes një fushate informuese dhe tryezave të diskutimit me shoqërinë civile dhe komunitetin akademik.
“Transparenca ndihmon në ndërtimin e konsensusit shoqëror dhe politik për marrëveshjen përfundimtare, ligjërisht të obligueshme, për normalizim të marrëdhënieve dhe njohje reciproke, e cila duhet të ratifikohet në Kuvendin e Kosovës me 2/3 e të gjithë deputetëve”, ka përfunduar Hoti.
© SYRI.net
Kurti i kërkon Ministres së Jashtme gjermane mbështetje të plotë deri në anëtarësimin e Kosovës në KiE
Tomë Gashi arsyeton Kurtin: Nuk duhet të pajtohemi as me Amerikën kur bëhet fjalë për sovranitet
Komuna e Ferizajt shpall gjendje emergjente për grumbullimin dhe bartjen e mbeturinave
Denonco
Merrni lajmet më të fundit nga SYRI.net në çdo moment dhe kudo që të jeni!
