Sot është shënuar 24-vjetori i vdekjes së komandantit Mujë Krasniqit bashkë me 41 luftëtarët e vet. Lidhur me këtë ngjarje, kanë folur dy bashkëluftëtarë të Mujë Krasniqit.
Ramadan Selimi dhe Zeqir Peraj kanë rrëfyer për ditën kur e kanë kuptuar për vrasjen e shokëve të tyre.
“I kemi gjetur shumicën e tyre në orët e fundit të vdekjes, më pas i kemi shpërndarë në grupe. Ka qenë një terren i vështirë, por kemi pasur automjete. Më pas i kemi dërguar për trajtim mjekësor”, tha Ramadan Selimi në T7.
Selimi tha se është i lumtur që kanë shpëtuar jetë aq sa kanë mundur.
Ndërsa, Peraj tha se e kanë marrë vesh në mëngjes lajmin se Mujë Krasniqi me shokë janë vrarë nga ushtarët serbë.
“Në mëngjes e kemi marrë vesh. Por kur jemi ngjitur dhe kemi filluar ti bartim ata, na u dhimbën shumë”, tha Peraj.
“Humbën shumë shokë të fortë”, tha ai.
Peraj përmendi edhe një rast tjetër.
“Një djalë i Shtimes mu dhimke, ka bajt njerëz dhe është vrarë atje. Kufoma e tij është gjetur në pranverë. Ai mdhimet shumë”, tha ai.
© SYRI.net
Dorëhiqet kryesuesi i Bordit të SHSKUK-së, Naim Bardiqi
E moshuara shqiptare përplaset nga makina në vijat e bardha në Itali, vdes në spital
Deputetët britanikë me mocion ndaj qeverisë së tyre për situatën në Ballkan, përmendet edhe Banjska 
Denonco
Merrni lajmet më të fundit nga SYRI.net në çdo moment dhe kudo që të jeni!
