Dhoma e Përfaqësuesve e Holandës miratoi një rezolutë që i bën thirrje qeverisë së saj të avokojë në Bruksel për pezullimin e përkohshëm të regjimit pa viza për Serbinë.
Sipas mediave të huaja, propozimi është dorëzuar për shkak se, siç theksojnë ata, Serbia nuk është në harmoni me politikën e vizave dhe të jashtme të BE-së.
Siç bëhet e ditur më tej, propozimi ka pasur mbështetjen e anëtarëve të koalicionit qeverisës dhe të opozitës.
Kërkesa është paraqitur nga deputetët e dy partive më të mëdha të koalicionit qeverisës. Por, propozimi është iniciuar nga një përfaqësues i opozitës.
Deputeti holandez Jeroen van Wijngaarden ka shkruar në Twitter se propozimi i tij mori mbështetjen e Dhomës së Përfaqësuesve të Parlamentit holandez.
“Dhoma e Përfaqësuesve mbështet propozimin tonë për një qasje më të rreptë ndaj Serbisë nëse presidenti (Aleksandar) Vuçiq nuk mbështet sanksionet kundër Rusisë. Ndërprerja e procesit të pranimit të Serbisë në BE mund të jetë një opsion. Ne nuk do të hezitojmë ta përdorim atë”, tha Van Wijngarden.
De 2e Kamer steunt onze motie voor een strengere aanpak van Servië als president Vucic zich niet schaart achter de sancties tegen Rusland
— Jeroen van Wijngaarden (@vanwijngaardenj) December 8, 2022
Staken van het EU-toetredingsproces van Servië kan een optie worden. We zullen niet aarzelen die in te zetten. https://t.co/U3tYUA5UzR
Në sistemin institucional të Holandës, thuhet se Parlamenti ka mandatin që t’i japë udhëzime qeverisë për zhvillimin e politikës së jashtme.
Për shembull, kur Holanda bllokoi hapjen e negociatave me Shqipërinë, nisma erdhi nga parlamenti.
Rezoluta e Parlamentit holandez bën thirrje për pezullimin e regjimit pa viza për Serbinë me anë të një mekanizmi frenimi emergjent më së voni deri në mars 2023, siç thuhet “duke pasur parasysh se Serbia po dëmton gjithnjë e më shumë politikën e jashtme të BE-së për shkak të qëndrimit të saj dashamirës ndaj Rusisë dhe mos respektimit të sanksioneve të BE-së, si dhe mosrespektimit të regjimit të vizave, prandaj gjatë vitit 2022 një numër i madh i migrantëve të parregullt u zhvendosën në BE nga Serbia”.
Sipas Traktatit të Lisbonës, në Bashkimin Evropian ekzistojnë dy lloje të kësaj procedure. Njëra lidhet me Politikën e Përbashkët të Jashtme dhe të Sigurisë dhe një tjetër që zbatohet në fusha të tjera, si bashkëpunimi në luftën kundër krimit dhe sigurimet shoqërore.
© SYRI.net
Të shtëna me armë zjarri në Prizren, një person i plagosur
Osmani udhëton në Bullgari me ftesë të Hillary Clinton, pritet të takohet edhe me homologun bullgar 
Pesë kryetarë komunash vizitojnë Parlamentin Evropian, i pret zv. Presidenti Wieland
Denonco
Merrni lajmet më të fundit nga SYRI.net në çdo moment dhe kudo që të jeni!
