Ministrja e Arsimit, Arbërie Nagavci ka njoftuar se në përmbushje të zotimit për punësimin e asistentëve për fëmijët me nevoja të veçanta, përveç planifikimit të buxhetit po punohet edhe në përgatitjen e kuadrit të kualifikuar, shkruan Syri.net Kosova.
"Sot kanë filluar trajnimin 184 kandidatë për t'u kualifikuar si Asistentë për fëmijë/nxënës me nevoja të veçanta arsimore.
Me këtë rast janë formuar 7 grupe për mbajtjen e ligjëratave, 3 në Prishtinë, 2 në Prizren, 1 në Mitrovicë dhe 1 grup në Ferizaj.
Kandidatët të cilët me sukses e përfundojnë këtë kualifikim, do të pajisen me diplomë sipas standardeve të BTEC.
Vitin e ardhshëm planifikojmë t'i punësojmë edhe 300 asistentë tjerë.
Kandidatëve që kanë nisur trajnimin për t'u kualifikuar për asistentë për fëmijë/nxënës me nevoja të veçanta arsimore u dëshiroj shumë suksese.", ka shkruar ministrja.
© SYRI.net
Të shtëna me armë zjarri në Prizren, një person i plagosur
Osmani udhëton në Bullgari me ftesë të Hillary Clinton, pritet të takohet edhe me homologun bullgar 
Pesë kryetarë komunash vizitojnë Parlamentin Evropian, i pret zv. Presidenti Wieland
Denonco
Merrni lajmet më të fundit nga SYRI.net në çdo moment dhe kudo që të jeni!
