Mungesa e reshjeve atmosferike ka ndikuar në rënien drastike të nivelit të ujit në liqenin e Badocit, ditët e fundit kjo rënie ka arritur në 9.1 metra nën kuotën e kapërderdhjes së ujit. Vizitorët e Badocit thonë se kjo thatësi nuk mbahet në mend ndërsa peshkatarët shqetësohen se nëse vazhdon kjo situatë, do të dëmtohet në masë të madhe bota ujore.
Pothuajse 1/4 e sipërfaqes së liqenit të Badocit tashmë është sipërfaqe e gjelbër. Madje pjesë e nën urës e cila e lidh Prishtinën me Gjilanin është shndërruar në rrugë të kalueshme.
Kjo po ndodh si pasojë e rënies së nivelit të ujit, për të cilin vizitorët thonë se një thatësi e tillë nuk mbahet në mend.
Adhuruese e bukurisë së liqenit të Badocit është edhe Florineta Bajgora, ajo thotë për RTK se secili qytetar duhet të brengoset për këtë ndryshim dhe të vetëdijesohet për rëndësinë e ujit të pijshëm.
Edhe Ragip Sinani është njëri nga vizitorët e rregullt të liqenit dhe thotë se përveç mungesës së ujit të pijshëm edhe më shqetësuese është ikja e kafshëve ujore.
Rënia e nivelit të ujit në liqenin e Badocit është shqetësuese edhe për adhuruesit e peshkimit.
Aktualisht me reduktime të ujit po përballet lagjja e Veternikut dhe Prishtina e re, ndërsa në pjesët e tjera të qytetit ka raste që ulet shtypja mas mesnatës ose mungon në pika të larta.
© SYRI.net
Bislimi takohet me parlamentarë e zyrtarë në Bern të Zvicrës, flasin për “një mori temash” 
Prokuroria jep detaje për plagosjen e katër personave në Lupç, shoqërohet në polici i dyshuari
“Kushtëzimi i Asociacionit”, Statovci: E padrejtë të ketë Kosova kushte të reja
Denonco
Merrni lajmet më të fundit nga SYRI.net në çdo moment dhe kudo që të jeni!
