Kryeministri Edi Rama u kujtua më në fund për situatën e trazuar në Kosovë.
Në konferencën e përbashkët me kryeministrin e Spanjës, Pedro Sánchez, i bëri një thirrje Presidentit të Serbisë, Aleksandër Vuçiç, pas tensioneve në veriun e Kosovës mbrëmjen e së dielës.
“Spanja ka një pozicion të ndryshëm për Kosovën, për arsye që lidhen me vetë Spanjën dhe që nuk kanë të bëjnë me asnjë lloj paragjykimi ndaj bashkësisë së shqiptarëve në Kosovë dhe ndaj të drejtës së tyre.
Por, sidoqoftë, ne kemi diskutuar, aq më tepër në kuadrin e një situate që mbrëmë ka patur një përshkallëzim të paarsyeshëm, pasi qeveria e Kosovës ka detyrën që të zbatojë marrëveshjet duke ushtruar sovranitetin territorial që buron nga një pavarësi në administrimin e shtetit.
Marrëveshjet e dakordësuara me palën tjetër, janë për t’u zbatuar, jo për t’u diskutuar. I bëj thirrje Presidentit të Serbisë që të mos ushqejë me asnjë lloj justifikimi grupe të caktuara në veriun e Kosovës, që për arsyet e tyre i kundërvihen zbatimit të një marrëveshjeje që duhet zbatuar dhe është e vlefshme për t’i dhënë më shumë besueshmëri dialogut Kosovë-Serbi”, u shpreh Rama.
© SYRI.net
Antidroga arreston tre persona në Fushë-Kosovë
Parashikimi i motit për javën e ardhshme
Tentuan të fusin 750 euro dhe dy telefona, parandalohen dy raste të kontrabandës në Burgun e Dubravës
Denonco
Merrni lajmet më të fundit nga SYRI.net në çdo moment dhe kudo që të jeni!
