Disa fshatra në Mitrovicën e Jugut janë kapluar nga zjarri, për shkak të temperaturave shumë të larta që po mbretërojnë në Kosovë.
Mehmet Mehmeti zëvendës i komandant i Brigadës së Zjarrfikësve në Mitrovicë tha se gjendja me zjarre është nën kontroll.
“Jemi përqendruar tek poligoni ku ka qenë më rrezik, në fshatin Zasellë. Shkaqet e zjarrit ende nuk dihen, janë organet e rendit ato që merren me to”, tha ai për RTK.
Sipas tij ekipet e zjarrfikësve janë në terren dhe për këtë i kanë ardhur në ndihmë edhe ekipet e zjarrfikësve nga Komuna e Vushtrisë.
“Në të njëjtën kohë kemi pasur tri vatra të zjarrit dhe jemi munduar të menaxhojmë sa më mirë situatën”, tha ai.
Zjarri më i madh është ai në malet e fshatit Zasellë, më saktësisht në Kodrën e Cërrnushës.
Zjarri atje është duke vazhduar, ndërkohë që drejtori për Siguri dhe Emergjenca në Mitrovicë, Bahtir Maxhuni tha për RTV Dukagjini se nuk ka nevojë për evakuim të banorëve.
“Për momentin janë tri makineri të zjarrfikësve dhe diku 23 zjarrfikës. Zjarri është duke vazhduar, është i lokalizuar me përmasa goxha të mëdha mirëpo për momentin nuk paraqet rrezik”, ka deklaruar Maxhuni.
Gjithashtu, ai ka bërë të ditur se kanë biseduar me banorët në Zasellë dhe se ata u kanë ofruar ndihmë zjarrfikësve, ndërsa, nga Drejtoria për Siguri dhe Emergjenca u është thënë se nuk ka nevojë për tu shqetësuar, apo për të bërë ndonjë evakuim.
© SYRI.net
25-vjetori i masakrës së Mejës, krerët e shtetit kërkojnë drejtësi për viktimat
Policia zvicerane arreston sërish 10 shqiptarë dhe serbë në klube të natës 
EULEX: Familjarët e personave të zhdukur kanë të drejtë ta dinë të vërtetën për fatin e të dashurve të tyre
Denonco
Merrni lajmet më të fundit nga SYRI.net në çdo moment dhe kudo që të jeni!
