Sot është konstituuar Komisioni Ad-Hoc për Reformën Zgjedhore në Kosovë, ku anëtarët e këtij komisioni janë shprehur optimist për punën që do të kryhet.
Kryetari i këtij komisioni, Abelard Tahiri nga Partia Demokratike e Kosovës, foli për komisionet e mëhershme të këtij lloji, dhe tregoi se cilët hapa janë të rëndësishëm në fillim të këtij komisioni.
“Çështje tjetër që është shumë me rëndësi është që në dhjetë vjetët e fundit i kemi pasur dy komisione ad hoc për adresimin e zgjedhjeve, pra ka qenë komisioni i vitit 2011 i udhëhequr nga ish-deputeti, Haki Demolli, pastaj e kemi pasur komisionin që është formuar në vitin 2019, udhëhequr nga ish-kryeministri, deputeti Avdullah Hoti”, ka thënë në fjalimin e tij hapës, Tahiri.
“Është me rëndësi që administrate t’i ndajë të gjitha materialet me juve sepse kemi qenë edhe në ato komisione dhe është mirë ta shohim edhe materialin sepse konsideroj që është bërë një punë për temën për të cilën po flasim, për të cilën mendoj që është mira ta shohim dhe t’i referohemi si anëtarë të këtij komisioni”.
“Ky është takimi i parë me të cilin e fillon punën zyrtarisht ky komision”.
Anëtari i komisionit, Adnan Rrustemi nga Lëvizja Vetëvendosje, ka thënë që në vjeshtë ata duhet të vijnë me një plan të thuktë pune.
“Mendoj që është një lajm i mirë themelimi i këtij komisioni dhe fillimi i punës”, ka thënë Rrustemi.
“Pajtohem që në fillim të sezonit vjeshtor ne të kemi një takim të gjatë ku trajtojmë një plan të detajuar të punës, edhe të përqendruar në kohë, edhe të përqendruar në tema, duke synuar të adresojmë mbi 35 rekomandime nga vëzhguesit e Bashkimit Evropian”.
Ndërkaq, ish-kryetari i një komisioni kësisoj, Avdullah Hoti nga Lidhja Demokratike e Kosovës, po ashtu i ka dhënë rekomandimet e tij të para.
“E patëm bërë një tabelë, nja pesë gjashtë faqe ku i kemi listuar të gjitha rekomandimet për misionet ne e ndryshme monitoruese të zgjedhjeve, edhe i kemi në rekomandime që kërkojnë ndryshime të rregullores së KQZ-së, rekomandime që kërkojnë ndryshime të ligjeve dhe rekomandime që kërkojnë ndryshime kushtetuese. E ndoshta, asaj tabele me ia shtu tash edhe rekomandimet e misionit të fundit e mandej ne e kemi më të lehtë punën këtu së bashku në komision.
© SYRI.net
Kryetari i Zveçanit, Ilir Peci, vendoset në objektin e Komunës
Përleshje masive mes dy grupesh në Kosovë, sekuestrohen dhe armë
Ministrja Donika Gërvalla: Ideja e shkëmbimit të territoreve çon në luftë
Denonco
Merrni lajmet më të fundit nga SYRI.net në çdo moment dhe kudo që të jeni!
