Kreu i Partisë Demokratike, Sali Berisha, ka zhvilluar këtë pasdite një takim me krerët e degëve të PD në Tiranë. Berisha komentoi protestën e 7 korrikut për të cilën tha se është bërë një punë e jashtëzakonshme.
Ai theksoi se më e rëndësishmja në këtë protestë, ishte dalja e opozitës së vërtetë në shesh kundër qeverisë së Edi Ramës i cili ka shkelmuar vullnetin e qytetarëve shqiptarë duke iu grabitur votën.
“Ju përgjigjët kësaj thirrje. Aspekti më i rëndësishëm i të gjitha aspekteve të tjera, të kësaj proteste ishte se për herë të parë prej vitesh, në shesh doli opozita e vërtetë dhe nëse më pyesni çfarë ishte më e rëndësishmja e më e jashtëzakonshmja, ishte opozita e vërtetë në shesh.”-tha Berisha.
Më tej kreu i selisë blu tha se kjo përbën një ogur të madh të bardhë për Shqipërinë në rrezik, për shpëtimin e saj.
“Përpjekje më anti-demokratike, më primitive e të turpshme u bënë që të vendosi në kontroll të paligjshëm opozitën shqiptare, që ta mbajnë në kontroll të paligjshëm, ta mbanin këtë opozitë si vegël të qeverisë, të një njeriu i cili është armik i egër i lirisë dhe votës së shqiptarëve.
Të një njeriu i cili pasi rrëmbeu dhe shkelmoi vullnetin e qytetarëve shqiptarë dhe votat e tyre, vendosi të fshijë pluralizmin politik nga harta politike e vendit.
I them këto që ju duhet të qartësoni çdo demokrat e qytetar se çfarë rreziku ekzistencial për liritë e qytetarëve dhe demokracinë e Shqipërisë, përbën Edi Rama.”-deklaroi Berisha.
© SYRI.net
Ekskluzive/ Zv.presidenti Rai3, që tronditi dy anët e Adriatikut, përgënjeshtron Top Channel: Po riciklojnë një ‘fake news’, jam gazetari më vlerësuar në historinë e...
Jo veç në Gjakovë, monumenti i Skënderbeut u vendos edhe në dy qytete të tjera evropiane
Konjufca: BE po pret me padurim të punojë me qeverinë serbe, e nuk janë të gatshëm t’i heqin masat Kosovës
Denonco
Merrni lajmet më të fundit nga SYRI.net në çdo moment dhe kudo që të jeni!
