Policia e Kosovës po e vëzhgon me dron nga lartë situatën e krijuar në protestën ku kanë dalë mijëra veteranë të Ushtrisë Çlirimtare të Kosovës.
Jane siguruar pamje të dronit të Policisë së Kosovës, i cili është parë mbi objektin e Kuvendit të Kosovës.
Kështu, policia siç duket po e vëzhgon situatën edhe nga lartë, përveç policëve të Njësisë Speciale të cilët kanë bllokuar hyrjen e Kuvendit të Kosovës.
Ndërkohë, protestuesit në anën tjetër kanë krijuar një kordon para Njësisë Speciale, derisa më herët ia dolën që të depërtojnë në objektin e Kuvendit të Kosovës.
Deri më tani, nuk dihet numri i saktë i protestuesve, por shihet se mijëra persona kanë dalë që të marrin pjesë në këtë protestë.
Veteranët kanë dalë në protestë kundër Qeverisë Kurti, e cila nuk i përfshiu në ligjin për rritjen e pagës minimale.
© SYRI.net