Rritja e bashkëpunimit ekonomiko-kulturor, si dhe forcimi i marrëdhënieve bilaterale ndërmjet Irlandës dhe Kosovës ishin ndër temat kryesore të takimit mes zëvendëskryeministrit të Parë për Integrim Evropian, Zhvillim dhe Dialog i Republikës së Kosovës, Besnik Bislimi dhe Ambasadorit jorezident të Irlandës për Kosovë, Ronan Gargan.
Potenciali i Kosovës në fushën e teknologjisë informative mund të shihet si mundësi për rritje të bashkëpunimit ekonomik dhe ndër aktivitetet mes dy vendeve tona, thuhet në një komunikatë për media.
Zëvendëskryeministri Bislimi vlerësoi se është e rëndësishme mbështetja nga Republika e Irlandës në procesin e liberalizimit të vizave, anëtarësimit në Këshillin e Evropës dhe organizata të tjera ndërkombëtare për Republikën e Kosovës.
Bislimi dhe ambasadori Gargan biseduan edhe për rëndësinë e stabilitetit politik dhe ekonomik në Ballkanin Perëndimor dhe integrimit të rajonit në Bashkimin Evropian.
Palët theksuan domosdoshmërinë e forcimit të marrëdhënieve bilaterale mes dy shteteve dhe mundësinë e një perspektive të bashkëpunimit kulturor në përafrimin e popujve me njëri-tjetrin.
© SYRI.net
Grabiste bashkë me kriminelin famëkeq maqedonas, arrestohet shqiptari në Greqi
“Gangsteri i Prishtinës”, kush është Enver Sekiraqa, i dënuar me 25 vjet burgim për nxitje të vrasjes së Triumf Rizës?
Kryeprokurori Isufaj për rastin e Enver Sekiraqës: Ne kemi bërë punën tonë
Denonco
Merrni lajmet më të fundit nga SYRI.net në çdo moment dhe kudo që të jeni!
