Në shtator të vitit të kaluar, një delegacion i Ministrisë së Drejtësië vizitoi Dhomat e Specializuara të Kosovës për t’u njohur nga afër me gjendjen e të paraburgosurve tanë, disa prej ish-liderëve të UÇK-së. Delegacioni prej tre anëtarëve, i kryesuar nga zëvendës-ministri i këtij dikasteri qeveritar, Blerim Sallahu, qëndroi për dy ditë në selinë e Gjykatës Speciale ku takuan ish-krerët e UÇK-së të cilët po gjykohen atje.
Krahas Sallahut, në vizitën në Hagë shkuan edhe shefi i Kabinetit të Ministres së Drejtësisë Albulena Haxhiu, Genc Nimoni, dhe udhëheqësja e Divizionit për Mbrojtje Juridike dhe Mbështetje Financiare, Pranvera Ejupi-Hajzeraj.
Përveç takimit me shumicën krerëve të UÇK-së, Sallahu dhe të tjerët u pritën edhe nga Kryetarja e Gjykatës Speciale, Ekaterina Trendafilova, me të cilën biseduan për vizitat e familjarëve të të paraburgosurve e skemën e ndihmave juridike.
Por, i gjithë ky ‘ekskursion’ i tre zyrtarëve të Ministrisë së Drejtësisë i ka kushtuar buxhetit të Kosovës mbi 3 mijë e 300 euro.
Dyshi i Ministrisë së Drejtësisë, Blerim Sallahu, mori 230 euro meditje për qëndrimin e tij në Hagë. Të njëjtën shumë e pëfituan si meditje edhe Nimoni e Ejupi-Haziraj.
Por nga buxheti i Kosovës më së shtrejti u pagua për akomodimin e tre zyrtarëve shtetërorë.
Nga 465 euro e 40 cent pagoi shteti i Kosovës për akomodimin e zëvendësit të Haxhiut.
Po aq u pagua edhe për shefin e Kabinetit të Haxhiut dhe nëpunëses së Ministrisë së Drejtësisë.
1257 euro e 69 centë u shpenzuan për biletat e tre zyrtarëve që udhëtuan për në Hagë.
Në Hagë është duke qëndruar edhe Ministrja e Drejtësisë, Albulena Haxhiu, e cila së bashku me nënkryetaren e Kuvendit, Saranda Bogujevcin, kryetarin e Komisionit për Legjislacion, Adnan Rrustemin, e deputetin minoritar, Erxhan Galushin, do të takojnë ish-krerët e UÇK-së.
Në krahasim me vizitën e shtatorit të 2021, kësaj radhe barra financiare e udhëtimit të delegacionit nga Kosova do të jetë edhe më e madhe pasi që në përbërje janë 4 anëtarë.
Për më shumë, delegacioni i kryesuar nga Ministrja Haxhiu ka udhëtuar dje e do të kthehet tek me datën 1 prill. Një gjë e tillë pritet të fryjë edhe më shumë faturat për akomodim.
Natyrisht, në bazë të ligjit, as meditjet nuk do të mungojnë për këtë vizitë.
Ndryshe, ish-presidenti Hashim Thaçi e ish-kryetari i Kuvendit Kadri Veseli, kanë refuzuar të takojnë ministren Haxhiu dhe të tjerët.
Të njëjtën gjë, dy ish-krerët e UÇK-së e bënë edhe me delegacionin e kryesuar nga Sallahu.
© SYRI.net
Ish-presidenti kroat, Mesiç: Vuçiç si Millosheviçi, “Serbia e madhe” nuk do të ndodhë
Viktimat e aksidentit në Suharekë janë një 31 dhe një 20-vjeçar nga Prizreni
Vdes ish kryetari i Pejës, Ali Lajçi
Denonco
Merrni lajmet më të fundit nga SYRI.net në çdo moment dhe kudo që të jeni!
