Qeveria e Kosovës dhe ajo e Serbisë e kanë konfirmuar pjesëmarrjen e tyre në takimin më 16 nëntor në Bruksel në kuadër të dialogut ndërmjet të dyja vendeve.
Përderisa Qeveria e Kosovës thotë se në këtë takim do të diskutohet për çështjen e të pagjeturve dhe energjisë, nga Qeveria e Serbisë insistojnë se do të diskutohet për Asocacionin e Komunave me Shumicë Serbe.
Në një përgjigje për Reporteri.net, zëdhënësi i Qeverisë së Kosovës, Përparim Kryeziu ka thënë se në takim do të marrë pjesë zëvendëskryeministri Besnik Bislimi.
Ai ka thënë se temë diskutimi do të jetë çështja e të zhdukurve, energjia dhe lëvizja e lirë.
“Temat e diskutimit në takimin bilateral do të jenë çështja e të zhdukurve, e energjisë dhe lëvizja e lirë. Data për takimin e mundshëm për dialogun në nivel liderësh varet nga rrjedha e procesit dhe dakordimi për çështjet në nivel kryenegociatorësh”, tha Kryeziu.
Në anën tjetër, Zyra për Kosovën e Qeverisë së Serbisë ka konfirmuar për agjencinë serbe të lajmeve, Tanjug, se drejtori i asaj zyre, Petar Petkoviq, i cili kryeson ekipin negociator të Serbisë në dialogun me Kosovën, do të marrë pjesë në dialogun e planifikuar për 16 nëntor në Bruksel dhe se sipas marrëveshjes së mëparshme, tema kryesore do të jetë të jetë Asociacioni i komunave me shumicë serbe.
Petkoviq, ditëve të fundit, ka dhënë një sërë deklaratash për shtyp, duke kritikuar autoritetet e Kosovës për refuzimin e bisedimeve për formimin Asociacionit të komunave me shumicë serbe.
Por, autoritetet e Kosovës kanë hedhur poshtë mundësinë se do të bisedohet për çështjen e Asociacionit.
Kosova dhe Serbia, nën ndërmjetësimin e BE-së, kanë arritur marrëveshjen për themelimin e Asociacionit të komunave me shumicë serbe në vitin 2013.
Dy vjet më vonë, dy vendet kanë arritur edhe një marrëveshje shtesë për themelimin e tij,
por Gjykata Kushtetuese e Kosovës ka konstatuar se parimet për të nuk janë në përputhje me Kushtetutën e Kosovës, edhe pse ka thënë se ato mund të harmonizohen me një akt ligjor të Qeverisë së Kosovës.
Në fakt, është e diskutueshme që Asociacioni nuk bazohet në multietnicitet, por bashkon komuna në të cilat një komunitet etnik është shumica. Janë gjithsej dhjetë komuna me shumicë serbe në Kosovë.
© SYRI.net
Qeveria i reagon BE’së: Asociacioni s’është menduar asnjëherë si ombrellë e legalizimit të strukturave ilegale 
Gërvalla në Washington takohet me senatorin demokrat, diskutohet për anëtarësimin e Kosovës në NATO 
Çun Lajçi poezi për Berishën: ‘Se mirë s’je ti e mirë s’jam unë, kur mirë s'asht nana’
Denonco
Merrni lajmet më të fundit nga SYRI.net në çdo moment dhe kudo që të jeni!
