Pamje të rënda: Profesorin e njohur e kafshojnë qentë (Foto)
12:18, 05/05/2021
Profesori Agron Dida, ka njoftuar se është sulmuar nga qentë endacak.
Dida, përmes një shkrimi në Facebook, thotë se sulmi ka ndodhur në Prishtinë, në rrugën që çon për në fshatin Siqevë.
Ai njofton poashtu se gjatë asaj kohe ishte i shoqëruar nga gruaja e tij.
"Para ca ditësh, 200m nga shtëpia jonë në Bërnicë të Epërme, në rrugën që çon në Siqevë, Kimeten dhe mua na sulmuan dy qenë endacakë, befasishtë, pa asnjë ngacmim nga ana jonë" shkruan ai.
Pas këtij sulmi, profesori njofton se ka lënduar rëndë gishtin e madh të dorës së majtë, gjurin e këmbës së djathtë, bishtin e kurrizit, nyjet e të dy duarve.
Shkrimi i plotë:
Para ca ditësh, 200m nga shtëpia jonë në Bërnicë të Epërme, në rrugën që çon në Siqevë, Kimeten dhe mua na sulmuan dy qenë endacakë, befasishtë, pa asnjë ngacmim nga ana jonë. Kur më rrëzuan për toke për herë të parë, u ngrita dhe vazhdova të sillja me këmbë për tu mbrojtur, por pastaj më rrëzuan edhe një herë, me që rast lëndova rëndë gishtin e madh të dorës së majtë, gjurin e këmbës së djathtë, bishtin e kurrizit, nyjet e të dy duarve. Në ndërkohë, Kimetja kërkoi ndihmë prej fqinjëve tanë që menjëherë dolën dhe më shpëtuan.
Operacioni i gishtit zgjati rreth 50 minuta dhe dua ta falënderoj përzemërsisht Dr. Arban Demin me koleget e kolegët e tij për operacionin e suksesshëm që e bënë në Emergjencën e QKUK.
Unë jam një adhurues i natyrës dhe qentë për mua janë miqtë më të vjetër e më të respektuar të njeriut.
Mirëpo, menaxhimi i planifikuar mirë dhe i zbatuar me kujdes të duhur, i problemit të habitatit të qenëve endacak, jo vetëm në Komunën e Prishtinës, por edhe në shumë komuna tjera të Kosovës, mbetet vetëm një ëndër për tu dëshiruar. Andaj, ju këshilloj zyrtarëve përgjegjës të Komunës, që të angazhojnë konsulentë profesional, çoftë edhe nga jashtë Kosovës, sepse po shihet qartë se ata nuk janë në gjendje të përballohen me këtë problem.
Edhe Kimetja ka pasë një aksident edhe më të rëndë para ca kohësh dhe shërimi i saj pas operacionit ka zgjatur gati një vjet!
Të shpresojmë se është aksident i fundit.
© SYRI.net
Lexo edhe:
Tahiri: Një pjesë e pushtetit është verbuar skajshmërisht, e tjetra vazhdon me eksperiment pas eksperimenti
Weber: Perëndimi me qasje të padrejtë ndaj Kosovës në vitet e fundit
Molliqaj: Takimi i Ramës në Athinë ishte imtim i politikës serbe me shtetet fqinje
Denonco
