Anëtari i Kryesisë së PDK-së, Betim Gjoshi ka vazhduar me kritikat e tij të ashpra në drejtim të qeverisë Kurti për mos-sigurimin e vaksinës kundër koronavirusit.
Ai ka publikuar një fotografi të ministrit Vitia nga ardhja e vaksinave dje në Aeroportin e Prishtinës, teksa ka thënë se ajo e dëshmon më së miri qeverinë Kurti.
“Kaq është i madh Albin Kurti në punët e shtetit. Sa kjo pako me vaksina lëmoshë”, ka shkruar Gjoshi.
Postimi i plotë:
Në këtë foto është Qeveria Kurti 2.
Në këtë foto është papërgjegjshmëria e Albin Kurtit dhe Arben Vitisë për t’i siguruar qytetarëve vaksina.
Në këtë foto janë ditët e humbura të Albin Kurtit në fushata zgjedhore pa asnjë kuptim.
Kaq është i madh Albin Kurti në punët e shtetit. Sa kjo pako me vaksina lëmoshë.
© SYRI.net