Lidhur me deklaratën kundër ‘Ligjit të Shpifjes’ të raporterit për Lirinë e Medias në Asamblenë Parlamentare të Këshillit të Evropës, Stefan Schennah, ka reaguar edhe ish-ministrja e Integrimit, Klajda Gjosha.
Në postimin e saj në Facebook, Gjosha ka theksuar se liria e medias është një kusht i rëndësishëm për integrimin e Shqipërisë drejt BE, teksa ka shtuar se cënimi i fjalës së lirë është përpjekje për izolim.
“Raporteri për Lirinë e Medias në Asamblenë Parlamentare të Këshillit të Evropës, Stefan Schennah, i ka bërë thirrje sot Kuvendit të Shqipërisë për të hequr dorë nga ndryshimet që Kryeministri ka propozuar për ligjin e shpifjes’.
Postimi i plotë i Klajda Gjoshas:
Raporteri për Lirinë e Medias në Asamblenë Parlamentare të Këshillit të Evropës, Stefan Schennah, i ka bërë thirrje sot Kuvendit të Shqipërisë për të hequr dorë nga ndryshimet që Kryeministri ka propozuar për ligjin e shpifjes.
Rikujtoj se liria e medias është një kusht i rëndësishëm i procesit të integrimit të Shqipërisë por edhe një tregues i nivelit të demokracisë në vend. Cdo përpjekje për të cënuar lirinë e fjalës, është një përpjekje për të izoluar Shqipërinë!
© SYRI.net