Analisti Agron Demi ka publikuar disa të dhëna rreth perfomancës së KEDS-it, që po na len në terr edhe pse privatizimi u bë para gati dhjetë vjetësh. Demi ka risjellë ndër mend arsyet e privatizimit të rrjetit të shpërndarjes dhe shitjes, shkruan Syri.net Kosova.
“Thanë, po e privatizojmë KEDS-in me qëllim të rritjes së investimeve, që mos me u ndalë ma rryma, thanë.
Pas gati një dekade prej kur u privatizua KEDS, rryma në qendër të Prishtinës ndalet deri 11 orë.”, thekson drejtuesi i GAP-it.
Sipas tij kur është privatizu KEDS më 2012, humbjet teknike e komerciale të energjisë kanë qenë 36.69%. Në fund të 2019 humbjet janë 25.89%. Pra, KEDS i privatizuar ka arritë që ti ul humbjet për 10.8 pikë përqindje.
“Në anën tjetër, KEDS i pa privatizuar ka arritë ti ul humbjet nga 46% sa ishin në 2014 në 36.69% në 2012, pra për 9.1 pikë përqindje.”, konstaton Agron Demi.
Në bazë të vlerësimit të tij, kjo do të thotë se nuk ka ndryshu asgjë sa i përket furnizimit me energji pas privatizimit.
“Ah po, në proces privatizuesi ka realizu 143 milionë euro fitim neto, për diçka që e ka ble për vetëm 26.3 milionë euro.”, përfundon postimi i Agron Demit.
© SYRI.net
BQK: Rritja ekonomike e Kosovës për vitin 2024 do të jetë 3.9 për qind
Kostot e prodhimit u rriten me 2.8% në janar-mars, përpunimi i ushqimeve me vlerat më të larta
Gjatë një viti importuam 5.9 miliardë euro mallra, prin mallrat turke
Denonco
Merrni lajmet më të fundit nga SYRI.net në çdo moment dhe kudo që të jeni!
