Irani: Nuk kemi plan për negociata, do t'u përgjigjemi me vendosmëri sulmeve të SHBA-së

Irani ka bërë të ditur se nuk planifikon të rikthehet në tryezën e negociatave me Shtetet e Bashkuara, ndërsa paralajmëron se do t'u përgjigjet me vendosmëri sulmeve amerikane.

Qëndrimi vjen në një kohë kur tensionet mes dy vendeve vijojnë të mbeten të larta.

Zëdhënësi i Ministrisë së Jashtme iraniane, Esmaeil Baghaei, bëri të ditur se për momentin nuk ka asnjë plan për negociata dhe se fokusi i autoriteteve iraniane mbetet mbrojtja e vendit.

Baghaei foli para gazetarëve në Teheran, gjatë një ceremonie përkujtimore për dhëndrin e ndjerë të liderit suprem Ali Khamenei.

Ai shtoi se Irani nuk do t'i përmbahet asnjë marrëveshjeje në rast se Shtetet e Bashkuara nuk respektojnë detyrimet e tyre, duke lënë të kuptohet se çdo zhvillim i ardhshëm do të varet nga veprimet e Uashingtonit.

© SYRI.net

Lexo edhe:

• Zelenski shkarkon Ministrin e Mbrojtjes
• 11 të vdekur dhe 19 të plagosur nga zjarri në një institucion për mirëqenie fëmijësh pranë kryeqytetit të Algjerisë
• Imazhi satelitor tregon një depo të dëmtuar në Kuvajt pasi Irani pretendoi se kreu një sulm me dron