Liderët e Gjermanisë, Francës dhe Britanisë së Madhe deklaruan se janë të gatshëm të ndërmarrin “veprimet e nevojshme dhe proporcionale mbrojtëse” përballë kundërpërgjigjeve të Iranit, me synimin për të “shkatërruar që në burim” kapacitetet ushtarake të Teheranit.
Në një deklaratë të përbashkët, grupi E3 – që përfshin tre vendet evropiane – paralajmëroi se do të merren masa për të mbrojtur interesat e tyre dhe të aleatëve në rajon. Sipas njoftimit, ndër veprimet që po shqyrtohen është edhe pengimi i Iranit për të lëshuar raketa dhe dronë.
Udhëheqësit evropianë u shprehën të tronditur nga sulmet që i cilësuan si “pa dallim dhe joproporcionale”, të cilat kanë goditur vende të Lindjes së Mesme që, sipas tyre, nuk ishin të përfshira në operacionin fillestar ushtarak.
“Sulmet kanë vënë në shënjestër aleatët tanë të ngushtë dhe kërcënojnë personelin tonë ushtarak dhe qytetarët tanë në të gjithë rajonin”, thuhet më tej në deklaratë.
Berlini, Parisi dhe Londra bënë të ditur se do të diskutojnë këto masa mbrojtëse me Shtetet e Bashkuara dhe partnerët e tyre rajonalë, në kuadër të koordinimit të mëtejshëm për situatën e sigurisë në Lindjen e Mesme.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Irani mbyll Ngushticën e Hormuzit për shkak të shkeljeve të armëpushimit
Pavarësisht armëpushimit, Izraeli nis një valë sulmesh të reja, vriten pesë persona
Presidenti polak i heq Zelenskyt nderin më të lartë në debatin mbi njësinë e Luftës II Botërore