Presidenti i Shteteve të Bashkuara, Donald Trump, të mërkurën nënshkroi një shpallje me të cilën Shtetet e Bashkuara do të tërhiqen nga 35 organizata që nuk janë pjesë e Kombeve të Bashkuara dhe nga 31 entitete të OKB-së që, sipas saj, “operojnë në kundërshtim me interesat kombëtare të SHBA-së”, thuhet në një deklaratë të Shtëpisë së Bardhë.
Shtëpia e Bardhë nuk e publikoi listën e këtyre organizatave, por tha se ato promovojnë “politika radikale klimatike, qeverisje globale dhe programe ideologjike që bien ndesh me sovranitetin dhe fuqinë ekonomike të SHBA-së”, raporton agjencia e lajmeve Reuters.
Në deklaratë thuhet se kjo lëvizje është rezultat i një rishikimi të të gjitha organizatave, konventave dhe traktateve ndërqeveritare ndërkombëtare, në të cilat Shtetet e Bashkuara janë anëtare ose palë.
“Këto tërheqje do t’i japin fund financimit dhe përfshirjes së taksapaguesve amerikanë në entitete që çojnë përpara agjenda globaliste mbi prioritetet e SHBA-së, ose që adresojnë çështje të rëndësishme në mënyra joefikase, në mënyrë që dollarët e taksapaguesve amerikanë të alokohen më së miri për mbështetjen e misioneve përkatëse”, tha Shtëpia e Bardhë.
Shtëpia e Bardhë nuk u përgjigj menjëherë kur iu kërkuan hollësi të mëtejme dhe një listë e këtyre organizatave.
Që nga fillimi i mandatit të tij të dytë, para një viti, Trumpi është përpjekur t’i zvogëlojë fondet amerikane për OKB-në, ka ndërprerë angazhimin e Uashingtonit me Këshillin e OKB-së për të Drejtat e Njeriut dhe e ka tërhequr vendin nga agjencia kulturore e OKB-së, UNESCO.
Presidenti amerikan gjithashtu ka njoftuar plane për t’i tërhequr Shtetet e Bashkuara nga Organizata Botërore e Shëndetësisë dhe nga Marrëveshja e Parisit për klimën.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Inteligjenca artificiale dhe gazetaria, rasti që tronditi median gjermane
Rezultatet kryesore të bisedimeve SHBA-Iran në Zvicër
Irani mbyll Ngushticën e Hormuzit për shkak të shkeljeve të armëpushimit