Plani i Paqes së Trump/ Starmer: SHBA duhet të ofrojë garanci sigurie për Ukrainën për të penguar Rusinë

Kryeministri britanik Keir Starmer tha të hënën se duhet të ketë një angazhim të sigurisë së SHBA për vendet evropiane, për të dërguar forca paqeruajtëse të pasluftës në Ukrainë dhe ishte shumë herët për të thënë se sa trupa britanike do të ishte i gatshëm të dislokonte.

"Evropa duhet të luajë rolin e saj dhe unë jam i përgatitur të konsideroj angazhimin e forcave britanike në terren së bashku me të tjerët, nëse ka një marrëveshje paqeje të qëndrueshme, por duhet të ketë një mbështetje të SHBA-së, sepse një garanci e sigurisë e SHBA, është e vetmja mënyrë për të penguar në mënyrë efektive Rusinë nga përsëritja e sulmit ndaj Ukrainës," u tha Starmer gazetarëve.

Ndërsa Danimarka, paralajmëron kundër një armëpushimi që nuk do të ishte i qëndrueshëm dhe që do t'i jepte Rusisë kohë për t'u rigrupuar dhe për të sulmuar Ukrainën ose një vend tjetër evropian.

Kryeministrja Mette Frederiksen, u shpreh se Rusia tani po kërcënon të gjithë Evropën, duke shtuar se nuk ka asnjë shenjë se dëshiron paqen.

Ajo thotë gjithashtu se asnjë marrëveshje paqeje e qëndrueshme, nuk mund të arrihet pa përfshirjen e drejtpërdrejtë të Ukrainës në bisedime.

Frederiksen thotë se liderët evropianë duhet të fokusohen në atë që mund të bëjnë, në përgjigje të bisedimeve të SHBA-së me Rusinë.

“Gjëja më e rëndësishme këtu dhe tani është që ukrainasit të marrin më shumë nga ajo që u nevojitet, në mënyrë që të mos e humbin këtë luftë dhe të jenë në pozicionin më të mirë të mundshëm,” thotë ajo.

Ajo gjithashtu përsërit thirrjet për shpenzime më të larta të mbrojtjes dhe gatishmëri ushtarake, por nuk jep një përgjigje të qartë për spekulimet e mediave rreth planeve për të sjellë shpenzimet e Danimarkës deri në 3% të PBB-së./ The Guardian.

© SYRI.net

Lexo edhe:

• BBC: Gruaja franceze e mbajtur peng nga burri i saj për 12 vjet, shpëtohet në Pakistan
• Franca konfirmon rastin e parë të Ebolës, mjeku i infektuar në Kongo futet në izolim
• Irani rihap pjesën perëndimore të hapësirës ajrore të vendit