Pothuajse një në tre evropianë kanë eksperimentuar me droga të paligjshme gjatë jetës së tyre, por tendencat ndryshojnë ndjeshëm midis vendeve, si në aspektin e përdorimit ashtu edhe të ndikimit në shëndet.
Sipas një raporti të Komisionit Evropian dhe OECD, në vitin 2024, 15% e të rinjve të rritur në BE kanë konsumuar kanabis, ndërsa 2.5% kanë përdorur kokainë. Përdorimi më i lartë i kanabisit është regjistruar në Republikën Çeke, Itali, Francë dhe Spanjë, ndërsa më i ulëti në Maltë, Turqi dhe Hungari. Për kokainën, vendet me normat më të larta të përdorimit janë Holanda, Spanja dhe Irlanda.
Ekspertët paralajmërojnë se përdorimi i rregullt i drogës rrit rrezikun e sëmundjeve kardiovaskulare, problemeve të shëndetit mendor dhe sëmundjeve infektive si HIV-i tek përdoruesit e drogave të injektueshme.
Drogat Sintetike – Një Kërcënim në Rritje
Ndërsa kanabisi dhe kokaina mbeten më të përdorurat, droga të tjera si MDMA, heroina dhe substancat sintetike po paraqesin rreziqe të reja. Drogat sintetike, të prodhuara në laboratorë të paligjshëm, janë veçanërisht shqetësuese për shkak të përbërësve të panjohur dhe cilësisë së dyshimtë të prodhimit.
Sipas Agjencisë Evropiane të Drogës, në vitin 2022 u çmontuan qindra laboratorë droge në BE, ndërsa sistemi i paralajmërimit të hershëm identifikoi shtatë substanca të reja opioid sintetike, me fuqi jashtëzakonisht të lartë dhe rreziqe serioze për shëndetin publik.
Ekspertët paralajmërojnë se trendet e përdorimit të drogës tek të rinjtë mbeten të qëndrueshme dhe do të reflektohen tek të rriturit në vitet e ardhshme, duke shtruar nevojën për politika më efektive parandaluese dhe ndërhyrje më të forta shëndetësore.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
BBC: Gruaja franceze e mbajtur peng nga burri i saj për 12 vjet, shpëtohet në Pakistan
Franca konfirmon rastin e parë të Ebolës, mjeku i infektuar në Kongo futet në izolim
Irani rihap pjesën perëndimore të hapësirës ajrore të vendit