Ministri turk i Punëve të Jashtme, Hakan Fidan, në një telefonatë me homologun e tij iranian, Hossein Amir-Abdollahian, ka theksuar se Turqia nuk dëshiron ndonjë përshkallëzim të mëtejshëm në rajon.
Sipas informacioneve të marra nga burime diplomatike, kryediplomati iranian në telefonatë tha se operacioni hakmarrës kundër Izraelit ka përfunduar dhe se Irani nuk do të nisë një operacion të ri nëse nuk sulmohet nga Izraeli.
Amir-Abdollahian gjithashtu tha se nëse Irani sulmohet përsëri, atëherë Teherani do të japë një “përgjigje edhe më të fortë” këtë herë, shkruan AA.
Ndryshe, mbrëmë Irani lëshoi një breshëri dronësh dhe raketash drejt Izraelit si hakmarrje për sulmin e 1 prillit në Damask.
Sulmi në Damask vrau shtatë zyrtar ushtarak iranianë, duke përfshirë një komandant të lartë të IRGC-së dhe tërhoqi reagime të ashpra nga zyrtarët e qeverisë iraniane, të cilët u zotuan për “përgjigje vendimtare”.
Siç raportohet, IRGC-ja lëshoi më shumë se 300 drone dhe raketa në një sulm që zgjati disa orë, shumica prej të cilave u kapën nga sistemet izraelite të mbrojtjes ajrore.
© SYRI.net
SHBA-ja i dënon sulmet kibernetike ruse ndaj vendeve evropiane
Biden bën thirrje për lirimin e gazetarëve të burgosur amerikanë
Delegacion i Hamasit në Egjipt, shenjë përparimi drejt armëpushimit
Denonco
Merrni lajmet më të fundit nga SYRI.net në çdo moment dhe kudo që të jeni!
