Tragjedi në Turqi, 29 persona humbin jetën si pasojë e zjarrit në një klub nate

16:23, 02/04/2024

Të paktën 29 persona kanë humbur jetën nga zjarri në një klub nate në Turqi.

Klubi, në bodrumin e një ndërtese të lartë në Stamboll, u mbyll dhe po rinovohej gjatë ditës.

Duke folur për mediat, guvernatori i Stambollit Davut Gül tha se shkaku i zjarrit nuk ishte ende i qartë.

Z. Gül tha se viktimat e zjarrit ishin punonjës, por nuk është e qartë nëse ata ishin kontraktorë apo punonjës të klubit të natës.

Ai shtoi se hetimet janë duke vazhduar.

Kryetari i Bashkisë së Stambollit, Ekrem Imamoglu ka shprehur ngushëllimet e tij në rrjetet sociale.

 “Zoti i mëshiroftë qytetarët tanë që humbën jetën dhe uroj shërim të shpejtë të të lënduarve”, tha ai në një postim në ‘X’.

Presidenti i Turqisë, Recep Tayyip Erdogan, është në dijeni të tragjedisë pas një telefonate me ministrin e brendshëm Ali Yerlikaya.

© SYRI.net

Lexo edhe:

• Zbuloi se ‘Boeing’ neglizhonte defektet në avion, vdes papritur sinjalizuesi ish-punonjësi
• Zelenskyy: 'Samiti i Parë i Paqes për Ukrainën' është një frymëzim për procesin e ardhshëm të paqes
• Policia ndërhyn për të shpërndarë protestuesit pro palestinezë në Universitetin e Kalifornisë