Izraeli përgatitet të pushtojë Gazën/ BBC: Perspektiva duket shumë e zymtë

19:11, 11/10/2023

Nga Paul Adams, BBC

Një gjë duket e sigurt: Izraeli së shpejti do të pushtojë Rripin e Gazës me një popullsi të dendur.

Një numër i madh trupash janë grumbulluar tashmë në jug të Izraelit. Së bashku me një numër të madh tankesh dhe mjetesh të tjera të blinduara.

Më pak e qartë është se kur do të jepet urdhri, ose cilat janë objektivat përfundimtare të qeverisë izraelite.

Me zyrtarët izraelitë që flasin për krijimin e një realiteti të ri të Lindjes së Mesme- në thelb nja Gaza pa Hamasin- të gjithë treguesit janë që ky operacion do i tejkalojë të gjithë paraardhësit në shkallë dhe shtrirje.

Kolegët tanë të BBC në Gaza tashmë na thonë se nuk kanë parë kurrë ndonjëherë sulme të tilla ajrore.

Në pesë ditë sulmesh, Izraeli tashmë ka vrarë pothuajse gjysmën e shumë palestinezëve që vdiqën gjatë gjashtë javëve të luftës së Gazës në vitin 2014.

Ka të ngjarë që Izraeli të vazhdojë të godasë Gazën nga ajri për disa ditë, duke e dobësuar Hamasin aq shumë, sa kur të vijë inkursioni tokësor, aftësia e grupit për të luftuar të jetë degraduar rëndë.

Me disa pjesë të Gazës të kthyera në gërmadha dhe me rreth çerek milioni palestinezë tashmë në lëvizje, perspektiva për ditët në vijim duket jashtëzakonisht e zymtë.

© SYRI.net

Lexo edhe:

• Rusia avancon në fushëbetejë, New York Times: NATO po konsideron dërgimin e ushtarakëve në Ukrainë
• ‘Autori veproi i vetëm!’/ Kryeministri i Sllovakisë mbetet në rrezik për jetën
• FOTO/ Grabitet me armë ‘argjendaria e yjeve’ në qendër të Parisit