Rusia e ka akuzuar Ukrainën se qëndron pas një sulmi me dron që dëmtoi të paktën dy ndërtesa në kryeqytetin rus, Moskën herët në mëngjes të hënën.
Ministria ruse e Mbrojtjes tha se dy drone u “shtypën dhe u rrëzuan”, duke shtuar se nuk kishte viktima.
Agjencia shtetërore ruse e lajmeve Tass raportoi se një dron ra pranë në Ministrisë së Mbrojtjes.
Zyrtarët ukrainas ende nuk i kanë komentuar deklaratat, por ata rrallë herë e marrin përgjegjësinë për sulmet brenda Rusisë.
Kryebashkiaku i Moskës, Sergei Sobyanin, tha se sulmet me dronë goditën ndërtesa “jo-rezidenciale” rreth orës 04:00 të mëngjesit.
Ai shtoi se ndërtesat nuk kanë pësuar ndonjë dëmtim të madh.
Por agjencitë shtetërore të lajmeve raportuan se disa pjesë të dronit u gjetën vetëm 2 kilometra larg nga ndërtesat e Ministrisë së Mbrojtjes.
“Një përpjekje e regjimit të Kievit për të kryer një akt terrorist duke përdorur dy dronë në objekte në territorin e qytetit të Moskës u ndalua”, tha ministria në një deklaratë të postuar në telegram.
Agjencia shtetërore e lajmeve Tass raportoi se mbetjet e dronëve u gjetën gjithashtu përgjatë rrugës Komsomolsky të qytetit. Departamenti i Transportit i Moskës shkroi në Telegram se trafiku përgjatë rrugës ishte bllokuar dhe fotot tregonin shërbimet e urgjencës duke punuar në vendngjarje.
Trafiku u ndal gjithashtu në Avenue Likhachev, ku u dëmtua një ndërtesë e lartë. Pamjet e publikuara në kanalin televiziv ushtarak Zvezda tregonin ndërtesën e dëmtuar.
Moska e ka akuzuar Ukrainën për një mori sulmesh me dronë në territorin e saj në muajt e fundit, shkruan BBC.
© SYRI.net
Rusia avancon në fushëbetejë, New York Times: NATO po konsideron dërgimin e ushtarakëve në Ukrainë
‘Autori veproi i vetëm!’/ Kryeministri i Sllovakisë mbetet në rrezik për jetën
FOTO/ Grabitet me armë ‘argjendaria e yjeve’ në qendër të Parisit
Denonco
Merrni lajmet më të fundit nga SYRI.net në çdo moment dhe kudo që të jeni!
