Bjellorusia ka filluar të marrë armë bërthamore taktike nga Rusia, tha presidenti i saj në televizionin shtetëror rus.
Alexander Lukashenko tha për Rossiya-1 se disa prej tyre ishin "tre herë" më të fuqishme se bombat atomike që SHBA hodhi në Hiroshima dhe Nagasaki në 1945.
Dje, Lukashenko tha se nuk do të hezitonte të përdorte armët nëse vendi i tij përballet me agresion.
''Zoti na ruajt që të marr një vendim për t'i përdorur ato armë sot, por nuk do të kishte asnjë hezitim nëse përballemi me një agresion”, tha Presidenti Lukashenko.
Vladimir Putin njoftoi se do t'i zhvendoste armët në objektet e magazinimit përtej kufirit rus në fillim të këtij viti - por theksoi se do të ruante kontrollin e plotë të përdorimit të tyre.
Armët bërthamore taktike janë të ndryshme nga kokat bërthamore të pajisura me raketa balistike ndërkontinentale. Të parët janë me rreze më të shkurtër dhe më pak të fuqishëm, që synojnë të shkatërrojnë trupat dhe armët e armikut në fushën e betejës në vend që të zhdukin qytete të tëra.
© SYRI.net
Hamasi mund të sulmojë trupat amerikane në Gazë? Ja si përgjigjet Sekretari amerikan i Mbrojtjes
Erdogan kritikon reagimin e SHBA-së ndaj demonstratave pro-palestineze
Urdhër-arrestet nga Gjykata Ndërkombëtare Penale, alarm në Izrael
Denonco
Merrni lajmet më të fundit nga SYRI.net në çdo moment dhe kudo që të jeni!
