Shkon në 27 numri i të vdekurve nga përmbytjet në jug të Ukrainës

19:30, 13/06/2023

Numri i të vdekurve nga shembja e digës ukrainase Kakhovka një javë më parë vazhdon të rritet.

Autoritetet ruse raportuan të martën se 17 vdekje u regjistruan në anën e kontrolluar nga Rusia të lumit Dnipro, pas shpërthimit të hidrocentralit Kakhovka një javë më parë.

"Për fat të keq, numri i viktimave të sabotimit po rritet. Sipas të dhënave të mëngjesit të sotëm, 12 vdekje mund të konfirmohen në Hola Prystan dhe pesë në Oleshky," tha të martën zëdhënësi i qeverisë rajonale të emëruar nga Rusia, Andrei Alekseenko.

Ndërkohë, Ukraina tha të hënën se dhjetë persona kishin vdekur dhe 42 ishin të zhdukur.

Sfidat afatshkurtra dhe afatgjata me të cilat përballen viktimat në rajon po bëhen më të dukshme Fshati Afanasiyivka në Mykolaiv, për shembull, u shndërrua në një ishull nga përmbytja. Dhe fermerët si Yuriy Danylovych janë duke luftuar.

"Nëse shteti mundet, do të ndihmojë. Dhe nëse nuk mundet, atëherë le të ndihmojë ushtarët tanë që këta moskovitë të dëbohen," thotë ai.

Vullnetarët izraelitë ofrojnë ndihmë për të evakuuarit nga përmbytjet Kherson

Në anën ukrainase, mjekët që punojnë për organizatën humanitare izraelito-ukrainase Frida, kanë ofruar ndihmë mjekësore për më shumë se 900 pacientë.

Mark Neviazhsky, një zëdhënës i projektit "Frida" tha: "Shumica e njerëzve ishin thjesht të lodhur, këta janë njerëz shumë të moshuar, mbi 80, 90 vjeç, për të cilët orët e fundit - evakuimi përmes dritareve, përtej lumit - ka ka qenë e vështirë dhe ata e ndjejnë atë."

Rusia dhe Ukraina kanë fajësuar njëra-tjetrën për hedhjen në erë të digës, e cila ka lënë në gërmadha lumin Dnipro në Zaporizhzhia.

Kievi gjithashtu pretendon se trupat ruse po plaçkitin fshatrat e evakuuara.

© SYRI.net

Lexo edhe:

• Zbuloi se ‘Boeing’ neglizhonte defektet në avion, vdes papritur sinjalizuesi ish-punonjësi
• Zelenskyy: 'Samiti i Parë i Paqes për Ukrainën' është një frymëzim për procesin e ardhshëm të paqes
• Policia ndërhyn për të shpërndarë protestuesit pro palestinezë në Universitetin e Kalifornisë