10 qytete të prekura, 76 njerëz të vdekur, pamje të rënda la pas tërmeti në Turqi

07:48, 06/02/2023

Një tërmet i fuqishëm goditi gjatë natës juglindjen e Turqisë, në kufi me Sirinë, duke i marrë jetën qindra personave, në të dy shtetet.

Qendra Amerikane e Sizmiologjisë tha se tërmeti ishte me magnitudë 7.8 të shkallës Rihter.

Lëkundjet e forta u regjistruan në orën 04:17 me orën lokale. Ato ishin me thellësi 17.9 kilometra dhe me epiqendër pranë qytetit të Gaziantep.

Autoritetet në Turqi kanë konfirmuar vdekjen e të paktën 76 personave deri më tani. 10 janë qytetet turke që janë prekur nga ky tërmet.

Në Siri, mediat atje raportojnë për të paktën 50 të vdekur.

Të plagosurit janë po ashtu me qindra.

Shifrat janë paraprake dhe numri i viktimave mund të jetë shumë më i lartë, pasi të shumtë janë ata që dyshohen të jenë zënë nën rrënoja.

© SYRI.net

Lexo edhe:

• Gjermania përgatit planin për të mbështetur ushtarët amerikanë në frontin lindor të NATO-s
• Dubai raporton një 'sëmundje misterioze' të lidhur me përmbytjet e rënda që goditën rajonin
• Ia bleu Gjermanisë, Spanja do të dërgojë raketa për sistemet Patriot në Ukrainë