Charleston – Ekipet e shpëtimit kërkonin për të mbijetuar mes rrënojave të shtëpive të përmbytura në Florida nga uragani Ian ndërsa autoritetet në Karolinën e Jugut prisnin agimin e ditës për të vlerësuar dëmet nga goditja e dytë e stuhisë, një prej fatkeqësive më të forta dhe më të kushtueshme që e kanë goditur SHBA-në dhe që vazhdonte veriut.
Stuhia e fuqishme terrorizoi miliona njerëz për pjesën më të madhe të javës, duke goditur Kubën perëndimore përpara se të kalonte nëpër Florida nga ujërat e ngrohta të Gjirit të Meksikës deri në oqeanin Atlantik, ku mblodhi mjaftueshëm forcë për një sulm përfundimtar në Karolinën e Jugut.
Që atëherë është dobësuar e kthyer në një ciklon ende të rrezikshëm post-tropikal dhe përshkoi Karolinën e Veriut drejt Virxhinias gjatë natës, duke i shtyrë shirat e dendur drejt shteteve të Atlantikut të mesëm.
Të paktën 30 persona u konfirmuan të vdekur, përfshirë 27 njerëz në Florida, kryesisht nga mbytja, por të tjerë nga pasojat tragjike të stuhisë. Një çift i moshuar vdiq pasi makinat e tyre të oksigjenit u fikën kur humbën energjinë, thanë autoritetet. Ndërkohë, banorët e shqetësuar kaluan nëpër ujin që arriti deri në gjunjë të premten, duke shpëtuar çfarë pasurie mundën nga shtëpitë e tyre të përmbytura dhe duke i ngarkuar në gomone dhe kanoe.
© SYRI.net
Rusia planifikon të afrojë raketat bërthamore në kufirin me NATO-n, Finlanda vendoset në alarm
Aksidentohet ministri izraelit i Sigurisë Kombëtare
Pse njerëzit në Austri po paguajnë më shumë taksa pavarësisht reformave federale?
Denonco
Merrni lajmet më të fundit nga SYRI.net në çdo moment dhe kudo që të jeni!
