Presidenti rus Vladimir Putin, në adresimin e tij për popullin rus, ka shpallë “mobilizim të pjesshëm” në Rusi “për ta mbrojtur atdheun, sovranitetin dhe integritetin territorial, sigurinë e popullit”.
Për këtë Reuters ka raportuar disa pika nga deklarata e ministrit rus të Mbrojtjes mbi atë se çka përfshin mobilizimi i pjesshëm, transmeton Gazeta Express.
Raportohet se ai ka thënë se mobilizimi i pjesshëm përbën:
Ai vlen për ata me përvojë të mëparshme ushtarake
Personat që kanë shërbyer si rekrut apo studentë nuk thirren
Njerëzit e thirrur do të marrin trajnim përpara se të vihen në pozicione
Ministri rus i Mbrojtjes Sergei Shoigu tha të mërkurën se dekreti i presidentit Vladimir Putin për mobilizimin e pjesshëm do të thërriste 300,000 personel shtesë për të shërbyer në fushatën ushtarake të Rusisë në Ukrainë.
Putin, i cili iu drejtua kombit sot në mëngjes, tha në fillim të fjalimit të tij se Perëndimi “dëshiron të shkatërrojë vendin e tyre” dhe se “bëhet fjalë për mbrojtjen e Rusisë dhe territorit të Donbasit”.
Britania e Madhe tha se kërcënimet e Putinit duhet të merren seriozisht.
“Fjalimi i së mërkurës i presidentit rus ishte një përshkallëzim shqetësues dhe kërcënimet që i bëri ai duhet të merren seriozisht”, tha ministrja e Jashtme e Britanisë së Madhe, Gillian Keegan.
© SYRI.net
Pse njerëzit në Austri po paguajnë më shumë taksa pavarësisht reformave federale?
Franca dhe Gjermania arrijnë marrëveshje për 'tanket e së ardhmes'
Eksperti: Një sulm izraelit në Rafah do të shkaktonte “katastrofë” në Lindjen e Mesme
Denonco
Merrni lajmet më të fundit nga SYRI.net në çdo moment dhe kudo që të jeni!
