Protesta, arrestime dhe një situatë që mund të përkeqësohet ora orës në Kili, aty ku referendumi që do të miratonte Kushtetutën e re, e para e shkruar pas diktaturës së gjeneralit Augusto Pinochet, ka dështuar me shifra që kanë habitur të dyja palët.
Janë 62% të votuesve që kanë refuzuar Kushtetutën, që ishte një nga objektivat më ambicioze të presidentit të majtë Gabriel Boric, i cili ka pranuar humbjen që mund të rrezikojë seriozisht pushtetin e tij. “Populli kilian ka folur në mënyrë të qartë, ata nuk janë të kënaqur sesi kjo Kushtetutë është shkruar, dhe këtë e pranoj”, deklaroi ai.
Refuzimi i Kushtetutës së re është edhe një refuzim ndaj një organizmi tëri të shoqërisë të atij vendi, i cilësuar nga opinioni publik ndoshta tepër egalitar dhe majtist, me një theks të veçantë për fiset si ai Mapuche, dominant në Kili dhe që ishte iniciatori i protestave të dhunshme në vitin 2019, që solli në vendimin e shkrimit të një Kushtetute të re.
Sipas analistëve, fushata e partive të djathta që kanë shpërndarë lajme që kushtetuta do të kthente Kilin në një vend komunist, ku prona private nuk parashikohej, ka dhënë efektin e duhur. Jo më kot, në të gjithë lagjet e pasura të kryeqytetit Santiago, valëviten flamuj kilian dhe shkrimet “Kemi fituar”.
© SYRI.net
Hungaria vendos veto ndaj rezolutës së KiE, nuk mbështetet formula e paqes e Ukrainës
A po përgatitet Rusia për luftë me NATO-n?
Bashkimi Evropian ndalon katër media ruse
Denonco
Merrni lajmet më të fundit nga SYRI.net në çdo moment dhe kudo që të jeni!
