Liz Truss ose Rishi Sunak do të kurorëzohet si lideri i ardhshëm i Partisë Konservatore dhe kryeministër i Britanisë së Madhe ditën e sotme, pas një gare rraskapitëse verore.
Dyshja kanë kaluar gjashtë javët e fundit duke luftuar për të bindur anëtarët konservatorë se janë të aftë për të drejtuar partinë - dhe vendin - pasi Boris Johnson dha dorëheqjen.
Në prag të njoftimit, Truss ka zbuluar një plan për t'u marrë me krizën energjetike brenda një jave nëse ajo bëhet kryeministre.
Sekretarja e Jashtme nuk pranoi të hyjë në asnjë detaj se si mund të jetë kjo, por spekulimet po shtohen se ajo po konsideron ngrirjen e faturave të energjisë për miliona familje.
Daily Telegraph raporton se ajo po planifikon një ngrirje të tillë në mënyrë që të ndalojë "Armageddonin e energjisë".
Javët e fundit ka pasur thirrje gjithnjë e më të forta që qeveria të ndërhyjë për të mbështetur më të cenuarit, me faturat e energjisë që do të rriten në rreth 3,500 £ këtë dimër për një familje mesatare.
Ndërkohë ish-kancelari Sunak, i cili e ka përshkruar veten si "të pafuqishëm" për pjesën më të madhe të fushatës, përsëriti se do të vazhdojë të jetë deputet nëse humbet zgjedhjet gjatë një interviste me BBC.
Ai gjithashtu nuk përjashtoi mundësinë që të kandidojë sërish për kryesinë nëse nuk fiton këtë herë.
Dy pretendentët janë paralajmëruar se kryeministri i ardhshëm do të përballet me rastin e dytë më të vështirë që nga Lufta e Dytë Botërore.
Johnson do të qëndrojë zyrtarisht në post derisa zëvendësuesi i tij të marrë detyrën të martën.
© SYRI.net
Gjermani: Gjendje emergjence nga shirat dhe vërshimet në Saarland
Trump, baba krenar
Turistë në Afganistan: vriten tre spanjollë dhe plagoset një i katërt
Denonco
Merrni lajmet më të fundit nga SYRI.net në çdo moment dhe kudo që të jeni!
