Hungaria ka shpallur një "gjendje të jashtëzakonshme" në përgjigje të ndërprerjeve të furnizimit dhe rritjes së çmimeve të energjisë në Evropë.
Qeveria e vendit thotë se tani do të rrisë kapacitetet e saj vendase të prodhimit të energjisë për të siguruar furnizim të menjëhershëm.
Gergely Gulyás, shefi i shtabit të kryeministrit hungarez Viktor Orbán, fajësoi luftën në Ukrainë dhe sanksionet e Bashkimit Evropian ndaj Rusisë për "krizën energjetike" të Evropës.
Nuk ka gjasa të ketë gaz të mjaftueshëm në Evropë për sezonin e ngrohjes në vjeshtë dhe dimër, tha ai në një konferencë shtypi në Budapest.
"Lufta e zgjatur dhe sanksionet nga Brukseli kanë bërë që çmimet e energjisë të rriten në mënyrë dramatike në të gjithë Evropën, dhe në fakt një pjesë e madhe e Evropës është tashmë në një krizë energjetike," shtoi Gulyás.
Budapesti thotë se do të rrisë prodhimin vjetor të gazit natyror nga 1.5 miliardë metra kub në 2 miliardë metra kub.
Vendi anëtar i BE planifikon gjithashtu të rrisë nxjerrjen e qymyrit dhe të rivendosë një termocentral me linjit në Matra.
Eksportet e energjisë do të jenë të ndaluara dhe centrali i vetëm bërthamor i Hungarisë do të zgjasë kohën e funksionimit për të rritur prodhimin, tha Gulyás të mërkurën. Qytetarët janë urdhëruar gjithashtu që të “kujdesen për konsumin ose të paguajnë tepricën me çmimin e tregut”.
Masat - të cilat bien ndesh me angazhimet e Hungarisë për klimën - është vendosur që të hyjnë në fuqi në gusht.
Njoftimet vijnë pasi Orbán thirri një mbledhje të kabinetit për të diskutuar atë që ai e quajti një "emergjencë energjetike" në Evropë./ar.sh/SYRI.NET
© SYRI.net
Macron, përsëri nuk e hedh poshtë mundësinë e dërgimit të trupave në Ukrainë
Zelensky është si Arafati, thotë koloneli izraelit në pension
Konflikti Izrael-Hezbollah, BE i jep Libanit 1 miliard euro për mbrojtjen e kufirit
Denonco
Merrni lajmet më të fundit nga SYRI.net në çdo moment dhe kudo që të jeni!
