Shumica e përkrahësve të Partisë Demokratike në SHBA do të preferonin një tjetër kandidat zgjedhjet e vitit 2024 në vend të Presidentit Joe Biden, sipas një sondazhi të kryer të hënën.
Sondazhi i kryer nga New York Times dhe Siena College zbuloi se 64% e Demokratëve të pyetur thanë se do të preferonin një kandidat tjetër. 26% thanë se do të përkrahnin sërish Biden në zgjedhjet e ardhshme presidenciale. Numrat janë edhe më të këqij midis moshave më të reja, pasi 94% e Demokratëve nën 30 vjeç thanë se do të preferonin një tjetër kandidat në zgjedhje.
Të pyetur se pse do të preferonin një kandidat të ri, 33% e Demokratëve përmendën moshën e presidentit si arsyen kryesore, 32% përmendën punën e deritanishme të kryer nga ai, 12% thanë se do të preferonin një të ri në moshë dhe 10% thanë se Biden nuk është sa duhet progresiv.
44% e të gjithë të anketuarve thanë se do të votonin për Biden sikur zgjedhjet të mbaheshin sot, ndërsa 41% thanë se do të votonin për ish-Presidentin Donald Trump.
Shtëpia e Bardhë ka përsëritur shpesh se Biden, i cili mbush 80 vjeç në nëntor dhe është presidenti më i vjetër që ka pasur ndonjëherë SHBA, synon të kandidojë për t’u rizgjedhur më 2024, megjithatë popullariteti i tij ka rënë shumë midis amerikanëve.
Sondazhi tregoi edhe se 76% e pjesëmarrësve besojnë se SHBA po ecën në drejtimin e gabuar dhe vetëm 13% besojnë se po ecën në drejtimin e duhur.
Të pyetur se cili është problemi më i madh aktualisht në vend, 20% thanë ekonomia e SHBA, 15% thanë inflacioni dhe kostoja e jetesës, 10% thanë politika për armët, 5% përmendën çështjet për të drejtat e abortit. Vetëm 1% e pjesëmarrësve cilësuan kujdesin shëndetësor si problemin më të rëndësishëm në vend, dhe më pak se 1% përmendën coronavirusin.
Pothuajse të gjithë votuesit-96%-thanë se ekonomia dhe inflacioni janë jashtëzakonisht apo deri në një farë mase të rëndësishëm për ta. 58% e cilësuan ekonominë aktuale si të varfër, dhe vetëm 10% e cilësuan si të shkëlqyer apo të mirë.
Sondazhi i New York Times/Siena College u krye më 5-7 korrik, me pjesëmarrjen e 849 personave.
© SYRI.net
Rusia avancon në fushëbetejë, New York Times: NATO po konsideron dërgimin e ushtarakëve në Ukrainë
‘Autori veproi i vetëm!’/ Kryeministri i Sllovakisë mbetet në rrezik për jetën
FOTO/ Grabitet me armë ‘argjendaria e yjeve’ në qendër të Parisit
Denonco
Merrni lajmet më të fundit nga SYRI.net në çdo moment dhe kudo që të jeni!
