Erdogan bisedon me Putin për grurin ukrainas

08:27, 12/07/2022

Presidenti i Turqisë, Recep Tayyip Erdogan, zhvilloi një bisedë telefonike me homologun e tij rus, Vladimir Putin.

Dy liderët diskutuan për situatën në Ukrainë, më konkretisht për lehtësimin e eksportit të grurit nga ky shtet. Erdogan deklaroi se është koha për të marrë masa në lidhje me zbatimin e planit të Kombeve të Bashkuara për krijimin e korridoreve të sigurta për eksportin e grurit në Detin e Zi.

Duke përsëritur se lufta midis Ukrainës dhe Rusisë duhet të përfundojë me një paqe të qëndrueshme përmes negociatave, Presidenti turk shprehu gatishmërinë të japë çdo kontribut të mundshëm për rigjallërimin e procesit të bisedimeve.

Erdogan dhe Putin diskutuan gjithashtu edhe për një takim me prani fizike, që pritet të ndodhë së shpejti. 

© SYRI.net

Lexo edhe:

• Rusia avancon në fushëbetejë, New York Times: NATO po konsideron dërgimin e ushtarakëve në Ukrainë
• ‘Autori veproi i vetëm!’/ Kryeministri i Sllovakisë mbetet në rrezik për jetën
• FOTO/ Grabitet me armë ‘argjendaria e yjeve’ në qendër të Parisit