Vdekja e emigrantëve në Teksas: 'Si munda të lejoja t'iu ndodhte fëmijëve të mi?'

13:21, 02/07/2022

Ishte 25 qershor kur Karen Caballero u mbërthye nga një "rëndim i pashpjegueshëm" në gjoks. Nuk kishte më kontakt me fëmijët e saj. Dy ditë më vonë, rreth orës 20:00, ajo mori një lajmërim në celularin e saj.

Dhjetra emigrantë kishin vdekur nga nxehtësia brenda një kamioni të braktisur pranë qytetit të San Antonio, Teksas, pak më shumë se njëqind milje larg nga kufiri SHBA-Meksikë.

E pushtuar nga paniku, zonja Caballero kërkoi në Google dhe Facebook numrat e telefonit të konsullatës së Hondurasit në SHBA, spitaleve dhe stacioneve të policisë, për të zbuluar nëse dy djemtë dhe nusja e saj mund të ishin mes viktimave.

Ishte ora 2 e mëngjesit dhe askush nuk po përgjigjej.

Që atëherë doli se Margie Paz Grajera, 24 vjeçe; Alejandro Andino Caballero, 23 vjeç dhe Fernando Redondo Caballero 18 vjeçe - të afërmit e zonjës Caballero - ishin midis 53 emigrantëve që vdiqën brenda kamionit që transportonte 62 persona nga Meksika, Guatemala, El Salvador dhe Hondurasi.

Ata vdiqën të mbyllur brenda një rimorkioje pa ajrosje kur temperatura arriti 40 C.

Duke folur për BBC, zonja Caballero pyeti: "Si, duke qenë një nënë kaq tepër mbrojtëse, mund ta lejoja që kjo t'u ndodhte fëmijëve të mi?"

"Nëse fëmijët e mi nuk ktheheshin në orën 20:00 në mbrëmje, unë dilja për t'i kërkuar derisa t'i çoja në shtëpi."

Ajo nuk ka pasur kohë as të qajë, thotë ajo, e pushtuar nga telefonatat e kaq shumë anëtarëve të familjes, miqve dhe gazetarëve.

Magdalena Tepaz - djali i së cilës Wilmer Tulul, 14 vjeç, vdiq në aksidentin e së hënës - mbërrin në Ministrinë e Jashtme të Guatemalës për të marrë trupin e tij.

Por "kushdo që mendon: "Kjo grua nuk ndien dhimbje, kjo grua nuk vuan", është gabim, tha ajo.

"E vërteta është se unë duhet të qëndroj e fortë sepse duhet ta kuptoj këtë. Si nënë, unë ende duhet t'i çoj fëmijët e mi në shtëpi."

Që nga zbulimi i tmerrshëm i tragjedisë më të rëndë të kontrabandës së emigrantëve në historinë moderne të SHBA-së në fillim të kësaj jave, identitetet e disa prej 53 të vdekurve në një kamion në San Antonio kanë filluar të zbulohen.

Ata pikturojnë një tablo të njerëzve kryesisht të varfër nga i gjithë rajoni që kërkojnë të fillojnë nga e para dhe të kërkojnë mundësi të reja.

Autoritetet meksikane thanë të mërkurën se gjithsej 67 emigrantë ishin brenda kamionit, ndërsa prokurorët në San Antonio e kanë vendosur numrin në 64.

© SYRI.net

Lexo edhe:

• Pse njerëzit në Austri po paguajnë më shumë taksa pavarësisht reformave federale?
• Franca dhe Gjermania arrijnë marrëveshje për 'tanket e së ardhmes'
• Eksperti: Një sulm izraelit në Rafah do të shkaktonte “katastrofë” në Lindjen e Mesme