Ukraina deri më tani ka kundërshtuar ultimatumin rus për të dorëzuar Sievierodonetsk, ndërkohë që Moska kontrollon 80% të qytetit, një pikë qendrore e përparimeve të Rusisë në lindje të vendit. Rusia u kërkoi forcave ukrainase të ndalonin “rezistencën e pakuptimtë dhe të dorëzonin armët” që nga mëngjesi i së mërkurës dhe akuzoi Kievin për ndërprerjen e planeve për hapjen e një korridori humanitar për civilët që të arratiseshin.
· SHBA do të sigurojë një ndihmë shtesë prej 1 miliard dollarësh në siguri për Ukrainën për luftën në lindje të Donbasit, ka konfirmuar Joe Biden.
· Volodymyr Zelensky i ka kërkuar BE-së të forcojë sanksionet ndaj Rusisë dhe paralajmëroi se forcat e Moskës mund të sulmojnë vende të tjera. Në një fjalim në parlamentin çek, presidenti i Ukrainës tha se pushtimi i Ukrainës “është hapi i parë që i duhet udhëheqjes ruse për të hapur rrugën drejt vendeve të tjera, drejt pushtimit të popujve të tjerë”.
· Sekretari i Përgjithshëm i NATO-s, Jens Stoltenberg, tha se aleatët do të vazhdojnë të furnizojnë Ukrainën me armë të rënda dhe sisteme me rreze të gjatë.
· Xi Jinping i Kinës e ka siguruar Vladimir Putinin për mbështetjen e Kinës për "sovranitetin dhe sigurinë" ruse, duke bërë që Uashingtoni të paralajmërojë Pekinin se rrezikon të përfundojë "në anën e gabuar të historisë".
· Uniteti i Europës mbi luftën në Ukrainë është në rrezik pasi vëmendja e publikut zhvendoset nga fusha e betejës në shqetësimet e kostos së jetesës, sugjerojnë sondazhet në 10 vende europiane.
© SYRI.net
Rusia pretendon se ka pushtuar një qytet në rajonin e Donjeckut
Studentët protestues largohen nga kampusi i Universitetit të Kalifornisë Jugore
Izraeli vendos për mbylljen e zyrave të Al Jazeeras
Denonco
Merrni lajmet më të fundit nga SYRI.net në çdo moment dhe kudo që të jeni!
