Lufta në Ukrainë: Rusia do të dëbojë 24 diplomatë italianë dhe 34 francezë

13:08, 18/05/2022

Rusia do të dëbojë 24 diplomatë italianë, tha zëdhënësja e Ministrisë së Jashtme ruse Maria Zakharova për agjencinë italiane të lajmeve Agi .

Vendimi do t'i bëhet i ditur zyrtarisht pas rreth një ore, ambasadorit italian në Moskë.

 Është në thelb një reagim ndaj vendimit të qeverisë Draghi më 6 prill për të dëbuar 30 diplomatë rusë nga Italia.

Më herët, Ministria e Jashtme ruse njoftoi se do të dëbonte 34 diplomatë francezë në shenjë hakmarrjeje.

Në prill, Franca dëboi 35 rusë me status diplomatik.

Po në prill, Ministria e Jashtme franceze shpalli gjashtë agjentë rusë që pretendonin të ishin diplomatë "personae non grata" pasi përfundoi një hetim nga inteligjenca franceze se ata po vepronin kundër interesave kombëtare franceze.

© SYRI.net

Lexo edhe:

• Gjykata e Apelit në Nju Jork rrëzon dënimin e Harvey Weinstein
• Kryeministri i Spanjës po shqyrton dorëheqjen për shkak të hetimeve ndaj bashkëshortes së tij
• Si e ndihmoi Meghan Markle Mbretin Karli III