Thatësira në Etiopi po çon në rritje 'dramatike' të martesave të fëmijëve

14:19, 03/05/2022

Zonat e goditura më vrazhdë nga thatësira në Etiopi po shohin rritje "dramatike" të martesave të fëmijëve, pasi urgjenca më e keqe e shkaktuar nga klima në 40 vjet po i shtyn njerëzit në zgrip, tha kreu i UNICEF.

Tre sezone radhazi pa shi kanë sjellë uri, kequshqyerje dhe zhvendosje masive për miliona njerëz në Bririn e Afrikës, përfshirë pjesë të Etiopisë, Somalisë, Kenisë dhe Xhibutit.

Shumë vajza në Etiopi tani përballen me martesat në moshë të re, pasi prindërit e tyre kërkojnë të gjejnë burime shtesë jetesë përmes prikave nga familja e bashkëshortit dhe shpresojnë që vajzat e tyre të ushqehen dhe të mbrohen nga familje më të pasura, paralajmëroi Catherine Russell, drejtoresha ekzekutive e UNICEF.

Disa zona të rajonit të gjerë të Oromisë kanë parë rritje të praktikës, tha agjencia e OKB-së për fëmijë, duke cituar të dhënat e qeverisë lokale.

Në zonën East Hararghe, vend i 2.7 milionë njerëzve, rastet e martesave të fëmijëve u rritën me 51%, nga 70 të regjistruara gjatë një periudhe gjashtëmujore në 2020-21 dhe 106 në të njëjtën periudhë të një viti më vonë.

Ishte vetëm një nga gjashtë zonat e prekura nga thatësira në Oromia që ka parë një rritje të mprehtë të martesave të fëmijëve, tha UNICEF.

Në këto zona, rastet janë pothuajse katërfishuar. Sipas të dhënave të marra nga UNICEF ​​këtë javë, 672 raste të martesës së fëmijëve janë regjistruar në periudhën shkurt-gusht të vitit të kaluar, ndërsa në gjashtë muajt nga shtatori i kaluar deri në mars të këtij viti, ky numër ka shkuar në 2282, tregojnë të dhënat e pushtetit vendor.

"Ne po shohim rritje në martesat e fëmijëve që janë mjaft dramatike," tha Russell, duke vënë në dukje se më shumë se 600,000 fëmijë mendohet se e kanë braktisur shkollën si rezultat i thatësirës.

Një farkëtar i vendos një byzylyk në kyçin e këmbës një vajze para një dasme në Metahara, rrethi Oramia.

© SYRI.net

Lexo edhe:

• Rusia pretendon se ka pushtuar një qytet në rajonin e Donjeckut
• Studentët protestues largohen nga kampusi i Universitetit të Kalifornisë Jugore
• Izraeli vendos për mbylljen e zyrave të Al Jazeeras