Djali 16-vjeçar i guvernatorit të rajonit të Zaporizhisë u rrëmbye nga ushtarët rusë. Këtë e ka bërë të ditur vetë Guvernatori Oleg Buryak.
Sipas tij, djali po ngiste një makinë që ishte pjesë e një kolone evakuimi nga Melitopol në Zaporizhia më 8 prill.
Në makinë ishin dy gra që ai i njihte dhe tre fëmijë të vegjël.
Kolona u ndalua nga ushtria ruse në postbllokun Vasylivka, ushtarët u afruan për të kontrolluar.
"Ata panë telefonin e djalit tim dhe e nxorën nga makina," tha Buryak, "ata mësuan se unë jam babai i Vladit. Gjatë gjithë kësaj kohe ne jemi përpjekur ta zgjidhim vetë problemin, por është e pamundur".
© SYRI.net