Policia amerikane ka publikuar pamjet nga kamerat e trupit se si një oficer i bardhë ka qëlluar për vdekje në pjesën e pasme të kokës një të ri me ngjyrë pas një përleshje në rrugë.
Incidenti ka ndodhur në 4 prillit në Michigan dhe viktima është Patrick Lyoya, 26 vjeç.
Ai u ndalua nga një polic për shkak se targat e makinës nuk përputheshin, por në një moment afro-amerikani ka tentuar të largohet.
Oficeri, emri i të cilit nuk bëhet i ditur e ka ndjekur dhe goditur fillimisht me një pistoletë me elektroshok.
Më pas ata janë përleshur dhe polici e ka qëlluar me një plumb që ka rezultuar fatal, pasi e ka prekur në kokë.
Ngjarja ka shkaktuar sërish protesta të njerëzve me ngjyrë. Aktualisht policia e shtetit tha se po heton për ngjarjen.
© SYRI.net