Akuzat për "sulm" dhe "kanosje" janë ngritur ndaj një të riu nga Irlanda, i cili refuzoi të mbante maskën e tij në një fluturim nga Dublini në Nju Jork dhe tani rrezikon të përballet me 20 vjet burg.
Sean McInerney, 29 vjeç, u paraqit të premten në gjykatën federale në Brooklyn, Nju Jork, më 14 janar, ku u akuzua për "sulmimin dhe frikësimin e qëllimshëm të një anëtari të ekuipazhit të kabinës".
Episodi ndodhi në Delta Airlines më 7 janar.
Drejtësia amerikane e ka akuzuar atë për "refuzimin sistematik të mbajtjes së maskës", "hedhjen e një kanaçeje me pije, e cila goditi një pasagjer në kokë" dhe "heqjen e pantallonave dhe të brendshmeve, duke i treguar të pasmet një anëtari të ekuipazhit dhe pasagjerëve ".
“Nëse shpallet fajtor, i pandehuri përballet me 20 vjet burgim”, tha një zëdhënës i gjykatës në Bruklin.
Irlandezi, i cili donte të shkonte në Florida për të punuar si trajner futbolli, u lirua pasi pagoi një garanci prej 20,000 dollarësh.
Autoriteti Amerikan i Aviacionit Civil njoftoi në janar 2021 se po ndiqte një politikë të tolerancës zero për pasagjerët që refuzojnë të mbajnë maska, ndërsa ekuipazhet e kabinës së linjave ajrore përballen me një numër të madh incidentesh dhune, fizike apo verbale nga pasagjerët që refuzojnë të respektojnë këtë rregullore.
Gjithashtu të enjten, një avion i American Airlines nga Miami në Londër u detyrua të kthehej në aeroport pasi një pasagjere refuzoi të mbante maskën e saj.
© SYRI.net
‘Një njeri i madh’, Trump i gatshëm të rinovojë aleancën konservatore me Orban
New York Times kritikon Biden-in për 'shmangien e pyetjeve' të gazetarëve
Rendi liberal botëror duhet të shkatërrohet - Orban
Denonco
Merrni lajmet më të fundit nga SYRI.net në çdo moment dhe kudo që të jeni!
