Forcat ajrore të Tajvanit u përpoqën që t’i largojnë dhjetë aeroplanë kinezë nga hapësira mbrojtëse ajrore e tyre të premten, vetëm një ditë pasi ishulli njoftoi për rreth 9 miliardë dollarë shtesë për shpenzime ushtarake. Kështu deklaroi Ministria e Mbrojtjes e Tajvanit.
Tajvani për më shumë se një vit është ankuar rreth misioneve të forcave ajrore kineze afër territorit të tij. Në rastin e fundit u përfshirë aeroplanët luftarakë kinezë, gjashtë J-16 dhe dy J-11 si dhe një antinëndetëse e një aeroplan për spiunim, thanë autoritetet tajvaneze.
Ministria e Mbrojtjes tha se Tajvani dërgoi aeroplanë luftarakë në qiell për t’i paralajmëruar dhe larguar aeroplanët kinezë si dhe sistemet antiraketore u vendosën në gjendje gatishmërie, shkruan Reuters, transmeton Gazeta Express.
Incidenti ndodhi vetëm një ditë pasi Tajvani propozoi shpenzime shtesë për ushtrinë, përfshirë blerjen e raketave të reja, duke paralajmëruar nevojë urgjente për modernizimin e armëve shkaku i rrezikut që i paraqitet nga Kina dhe fuqia e saj ushtarake në rritje.
Në anën tjetër, Kina ka reaguar rreth deklaratës së ministrisë tajvaneze se Tajvani është “fortesë e detit”, që e bllokon zgjerimin e Kinës drejt Paqësorit, duke thënë se këto fjalë kanë për qëllim që ta mashtrojnë opinionin publik.
© SYRI.net
‘Një njeri i madh’, Trump i gatshëm të rinovojë aleancën konservatore me Orban
New York Times kritikon Biden-in për 'shmangien e pyetjeve' të gazetarëve
Rendi liberal botëror duhet të shkatërrohet - Orban
Denonco
Merrni lajmet më të fundit nga SYRI.net në çdo moment dhe kudo që të jeni!
