Rekord/ Në këtë shtet regjistrohet temperatura 49 gradë Celsius

16:28, 11/08/2021

Një rekord i ri është shënuar në Afrikën e veriut dhe ka nisur t’i drejtohet jugut të Evropës.

Lajmi u shpërnda në “Twitter”, nga meteorologu skocez, Scott Duncan.

Sipas tij, në kryeqytetin e Tunizisë, mbrëmë është regjistruar temperatura prej 49 gradë celsius, duke thyer rekordin e korrikut, të vitit 1943, kur u regjistrua 47.4 gradë.

“Ky është vetëm fillim i valës së nxehtë”, ka shkruar ai duke theksuar se mbrëmë në Sicili është regjistruar temperatura prej 47 gradë Celsius.

Duncan, ka paralajmëruar se kjo valë e të nxehtit pritet të godasë edhe Spanjën. Scott Duncan është meteorolog skocez që jeton dhe punon në Londër.

Ferocious heat spreading out of North Africa into Southern Europe right now.

This is the highest temperature ever recorded in the capital of Tunisia. Average high temperature in August is usually around mid 30s Celsius.

This is just the beginning of an atrocious heatwave. pic.twitter.com/tn5xEsk2SX
— Scott Duncan (@ScottDuncanWX) August 10, 2021