Studimi tronditës nga OKB: Gati gjysma e grave në 57 vende nuk vendosin vetë me kënd duan të bëjnë seks

Studimi tronditës nga OKB: Gati gjysma e grave në 57 vende nuk vendosin vetë me kënd duan të bëjnë seks

11:46, 16/04/2021

Sipas një raporti të OKB-së, miliona grave në botë u mohohet e drejta për të vendosur të lira për çështje që kanë të bëjnë me trupin e tyre.

Për shembull, vetëm 55 përqind e grave në 57 vendet e përfshira në studim mund të vendosin vetë me kë duan të bëjnë seks, nëse duan të mbrohen për të mos mbetur shtatzënë dhe nëse duan të marrin kujdes mjekësor, thuhet në raportin e agjencisë UNFPA të OKB, të publikuar të mërkurën (14.04).

PjesĂ«s tjetĂ«r tĂ« grave u lejohet tĂ« marrin vendime tĂ« lira nĂ« njĂ« ose disa nga kĂ«to fusha. Kjo gjĂ« Ă«shtĂ« indinjuese, thotĂ« shefja e UNFPA, Natalia Kanem. Raporti sivjet merret me vendimet qĂ« gratĂ« duan t'i marrin vetĂ« pĂ«r trupin e tyre dhe me integritetin e vajzave dhe grave. "NĂ« thelb miliona gra dhe vajza nuk janĂ« zot mbi trupin e tyre. Jeta e tyre varet nga njerĂ«z tĂ« tjerĂ«,” denoncon Kanem. 

Sipas raportit që me fillimin e pandemisë së Coronës edhe më shumë gra dhe vajza se më parë janë kërcënuar nga dhuna gjinore dhe praktikat e dëmshme si martesat në moshë minorene. Për këtë kanë kontribuar mes të tjerave edhe mbylljet e shkollave për shkak të pandemisë. 

Rritje të madhe vërejnë autoret e raportit edhe tek gjymtimet e gjenitaleve femërore: Sipas vlerësimeve të UNFPA, në kuadër të pandemisë së Coronës janë shtuar 2 deri 4 milionë raste të tjera tek gjymtimet gjenitale femërore. Suksese në mënjanimin e kësaj praktike mund të shënohen vetëm në vitin 2030, me uljen e një së tretës së rasteve. 

Autoret e studimit shohin një lidhje të ngushtë midis vetëvendosjes seksuale dhe nivelit të shkollimit të grave. Gratë që janë më pak të shkolluara se bashkëshortët ose partnerët e tyre, përjetojnë sipas raportit më shpesh dhunë seksuale se sa gratë tek të cilat niveli i shkollimi i përgjigjet pak a shumë atij të burrit. 

Shumë vajza dhe gra nuk e dinë që kanë të drejtë të refuzojnë marrëdhëniet seksuale, thuhet në raport. Kështu për shembull një studim në Indi ka treguar se gratë e sapomartuara në Indi, e përshkruajnë shpesh herën e parë të kryerjes së marrëdhënieve seksuale si të detyruar ose të kryer pa dëshirën e tyre",  sepse prej tyre pritet që kur të martohen të kryejnë marrëdhënie seksuale.

Norma dhe qëndrime të tilla pengojnë shpesh që gratë të marrin vetë vendimet për t'u mbrojtur gjatë marrëdhënieve seksuale, për të mos mbetur shtatzënë, gjë që ndodh edhe sepse shumë burra mendojnë në shumë vende se është e drejta e tyre për të vendosur mbi madhësinë e familjes dhe numrin e anëtarëve të saj. Shefja e UNFPA, Kanem i kërkon komunitetit ndërkombëtar që të luftojë më me vendosmëri për barazinë gjinore. /dw/

 

 

© SYRI.net

Lexo edhe:

Komentet

Shto koment

Denonco