Një oficer i CIA-s vdiq gjatë një operacioni në Somali, raporton The Guardian.
Ai ishte pjesë e një operacioni për të kapur një ekstremist të rëndësishëm, që mendohet se është përgjegjës për vrasjen e një ushtari amerikan në Kenia.
Oficeri ishte dërguar në Somali bashkë me forcat speciale amerikane dhe somaleze. Por kur filloi operacioni, ekstremisti i Al-Shabaab shpërtheu një bombë, duke e vrarë atë dhe katër ushtarakë somalezë.
“Fluturuam rreth orës dy të natës. Zbritëm nga helikopteri dhe u nisëm në këmbë, kur nga shkurret u dëgjua një shpërthim i fuqishëm. Miku ynë amerikan u vra bashkë me katër oficerë somalezë”, tha një burim.
Mendohet se operacioni kishte për qëllim kapjen e Abdullah Osman Mohamed, i njohur edhe si Inxhinieri Ismail. Ai është një ekspert në prodhimin e bombave.
Burimet nga grupi terrorist Al-Shabaab thanë se kishin marrë informacione për lëvizjen e oficerit të CIA-s.
CIA nuk e ka komentuar këtë ngjarje.
© SYRI.net
Ia bleu Gjermanisë, Spanja do të dërgojë raketa për sistemet Patriot në Ukrainë
155 të vdekur, 236 të plagosur nga shirat e rrëmbyeshëm që goditën Tanzaninë
Si po përgatiten aleatët e SHBA për një rikthim të Trumpit, president
Denonco
Merrni lajmet më të fundit nga SYRI.net në çdo moment dhe kudo që të jeni!
