Kryeministri i caktuar Zdravko Krivokapiq do të paraqesë sot programin dhe përbërjen e qeverisë së re në Parlamentin e Malit të Zi. Për shkak të interesit të madh të deputetëve për të marrë pjesë në debat, seanca do të zgjasë të paktën dy apo tre ditë.
Pasi tre koalicionet që fituan zgjedhjet siguruan një shumicë parlamentare, presidenti malazez Milo ëukanoviq, propozoi Krivokapiqin për kryeministër.
Në prezantimin e parë të planit qeverisës, të cilin ai e dorëzoi në parlament, Krivokapiqi vuri në dukje se përparësitë e qeverisë së re do të ishin ekonomia, lufta kundër koronavirusit dhe sundimi i ligjit.
"Qeveria do të përqendrohet veçanërisht në ndryshimet në Ligjin për Lirinë e Fesë, në mënyrë që të korrigjojë padrejtësinë dhe dëmin që Ligji ekzistues u shkakton qytetarëve dhe bashkësive fetare," nënvizoi Krivokapiqi.
Kryeministri i caktuar njoftoi se qeveria e re do të përpiqet të forcojë marrëdhënie fqinjësore me vendet e rajonit.
Qeveria e malit të zi pritet të ketë 12 ministri dhe një zv.kryeministër.
© SYRI.net
Rusia planifikon të afrojë raketat bërthamore në kufirin me NATO-n, Finlanda vendoset në alarm
Aksidentohet ministri izraelit i Sigurisë Kombëtare
Pse njerëzit në Austri po paguajnë më shumë taksa pavarësisht reformave federale?
Denonco
Merrni lajmet më të fundit nga SYRI.net në çdo moment dhe kudo që të jeni!
