Presidenti i Shteteve të Bashkuara, Donald Trump, papritmas është larguar nga një intervistë që po e zhvillonte me televizionin CBS të martën në mbrëmje në Shtëpinë e Bardhë.
Pas këtij veprimi, ai e sulmoi gazetaren që ishte duke ia shtruar pyetjet, Lesley Stahl, duke e akuzuar atë për intervistë të anshme dhe duke paralajmëruar se do ta publikojë intervistën para se ajo të dalë në televizion.
“Kam kënaqësinë t’ju njoftoj se, për hir të saktësisë në raportim, po e shqyrtoj mundësinë që intervistën time 60-minutëshe me Lesley Stahlin ta publikoj para kohës së transmetimit. Kjo do të bëhet në mënyrë që secili të shohë se si bëhet një interviste e rreme dhe e anshme”, shkroi ai në Twitter.
I am pleased to inform you that, for the sake of accuracy in reporting, I am considering posting my interview with Lesley Stahl of 60 Minutes, PRIOR TO AIRTIME! This will be done so that everybody can get a glimpse of what a FAKE and BIASED interview is all about...
— Donald J. Trump (@realDonaldTrump) October 20, 2020
© SYRI.net